2026-yil 9-yanvarida O‘zbekiston Respublikasi Vazirlar Mahkamasi tomonidan qabul qilingan 8-sonli qaror Oliy ta’lim hamda mehnat bozori orasidagi ko‘prikni yanada mustahkamlovchi yangi yondashuvdir. Qaror bitiruvchilarni ishga joylashtirish mexanizmini takomillashtirib, ta’lim jarayonini mehnat bozoriga integratsiyalash orqali yoshlarning bandligini kafolatlaydi.

2026-yil 9-yanvarida O‘zbekiston Respublikasi Vazirlar Mahkamasi tomonidan qabul qilingan 8-sonli qaror  Oliy ta’lim hamda mehnat bozori orasidagi ko‘prikni yanada mustahkamlovchi yangi yondashuvdir. Qaror bitiruvchilarni ishga joylashtirish mexanizmini takomillashtirib, ta’lim jarayonini mehnat bozoriga integratsiyalash orqali yoshlarning bandligini kafolatlaydi.

Ushbu qaror universitetlar, davlat organlari va ish beruvchilar o‘rtasida samarali hamkorlikni yo‘lga qo‘yish, bitiruvchilarni ish bilan ta’minlashni kafolatlashga qaratilgan. Shuningdek, ta’lim jarayoni amaliyot bilan uyg‘unlashadi, talabalar o‘qish davomida real ish sharoitida malaka orttiradi va bozor talablarini yaqindan o‘rganadi.

Asosiy yo‘nalishlar:

👉 Talabalar bilimini amaliyot bilan uyg‘unlashtiradi, ish beruvchilar esa kadrlarni talabalik davridayoq tanlaydi.

👉 Ish beruvchilar ta’lim jarayonida faol ishtirok etib, talabalarning amaliy ko‘nikmalarini rivojlantirishga hissa qo‘shadi va keyinchalik ishga qabul qilish jarayonida ishtirok etadi.

👉 Uch tomonlama shartnoma asosida o‘qigan bitiruvchi ta’lim tugagandan so‘ng ishga kafolatli qabul qilinadi, bu esa yoshlar va ularning oilalari uchun ishonchli imkoniyatdir.

👉 Universitet va ish beruvchi o‘rtasida shaffof hamkorlik o‘rnatilib, talabalar real ish muhitida amaliy tajriba orttiradi, malakali va raqobatbardosh mutaxassislar sifatida shakllanadi.

🫥 Talaba o‘qish jarayonida amaliy tajriba hosil qiladi, ish beruvchi esa kadrlarni erta aniqlaydi va maqsadli tayyorlaydi. Bitiruvchilar nazariy bilim bilan cheklanmay, amaliy muammolarni hal qila oladigan mutaxassis sifatida shakllanadi. Shu bilan birga, universitetlar va ish beruvchilar o‘rtasidagi hamkorlik yangi kadrlarni tayyorlash sifatini oshiradi.

🔖 Xulosa qilib aytganda, mazkur qaror Oliy ta’lim bitiruvchilarining bandligini ta’minlashda ta’lim va mehnat bozori o‘rtasida mustahkam integratsiyalashgan tizimni yaratdi. U orqali bitiruvchilar talabalik davridayoq kelajakdagi ish joyi bilan bog‘lanadi, ish beruvchilar esa malakali kadrlarni erta bosqichda tanlaydi. Bu imkoniyat yoshlar bandligini ta'minlashda yangi bosqichni boshlab berdi va Oliy ta’limni amaliy yo‘nalishda rivojlantirishga xizmat qiladi.

Saidjon Hamidov,
Buxoro davlat universiteti Bandlik va karyera bo‘limi boshlig‘i.