Ayni damda Buxoro davlat universiteti Bandlik va karyera bo‘limida Buxoro viloyat bojxona boshqarmasi inson resurslarini boshqarish bo‘limi mutaxassislari...
Ayni damda Buxoro davlat universiteti Bandlik va karyera bo‘limida Buxoro viloyat bojxona boshqarmasi inson resurslarini boshqarish bo‘limi mutaxassislari ishtirokida individual suhbatlar olib borilmoqda. Mazkur jarayon bitiruvchi yoshlarning kasbiy salohiyatini aniqlash, ularni bojxona tizimidagi mavjud bo‘sh ish o‘rinlariga yo‘naltirish hamda kelgusidagi faoliyatlari uchun aniq yo‘l-yo‘riq berishga qaratilgan.
Uchrashuv individual shaklda tashkil etilgan bo‘lib, har bir ishtirokchi bilan alohida suhbat o‘tkazilmoqda. Suhbat davomida talabalarining bilim va ko‘nikmalari, xorijiy tillarni bilish darajasi, mutaxassisligi bo‘yicha tayyorgarligi hamda shaxsiy fazilatlari atroflicha o‘rganilmoqda. Shu bilan birga, har bir nomzodga uning qiziqishlari va imkoniyatlaridan kelib chiqib, bojxona organlarida xizmat qilish istiqbollari yuzasidan amaliy tavsiyalar berilmoqda.
Shuningdek, mutaxassislar tomonidan bojxona tizimiga ishga qabul qilish tartibi, saralash bosqichlari, xizmat faoliyatining o‘ziga xos jihatlari hamda ushbu sohada muvaffaqiyatli faoliyat yuritish uchun zarur bo‘lgan asosiy talablar haqida batafsil ma’lumotlar taqdim etilmoqda. Bu esa talabalarga o‘z kasbiy yo‘nalishini aniq belgilab olish va kelajakdagi faoliyatini puxta rejalashtirish imkonini bermoqda.
Mazkur uchrashuv talabalar uchun nafaqat ishga joylashish imkoniyati, balki real mehnat bozori talablari bilan yaqindan tanishish, o‘z bilim va ko‘nikmalarini baholash hamda professional rivojlanish yo‘lida muhim tajriba orttirish imkonini yaratmoqda.
