"Bitiruvchi bandligi – 2025" mehnat yarmarkasi BuxDUda!
Bugun Buxoro davlat universitetida va Yoshlar markazida viloyatdagi barcha bitiruvchilar uchun “Bitiruvchi bandligi – 2025” mehnat yarmarkasi bo‘lib o‘tdi.
Tadbirda oliy ma’lumot talab qilinadigan vakant ish o‘rinlari taqdim etilib, bitiruvchilar va ish beruvchilar o‘zaro bevosita muloqot qilish imkoniyatiga ega bo‘lishdi.
Viloyatdagi 200 ga yaqin tashkilotdan 500 dan ortiq bo‘sh ish o‘rinlari taqdim etilib, ko‘plab bitiruvchilarga o‘z mutaxassisligi bo‘yicha ishga joylashish imkoniyati yaratildi. Tadbirda Buxoro davlat universiteti rektori Obidjon Xamidov boshchiligidagi universitet rahbariyati, bitiruvchilar va boshqa mehmonlar faol ishtirok etdi.
Shuningdek, tadbir davomida tadbirkorlik ko‘rgazmalari va innovatsion loyihalar namoyish etildi. Bitiruvchilarga diplomlar tantanali ravishda topshirildi.
