Bitiruvchilar bandligini ta’minlash yo‘lida keng qamrovli ishlar amalga oshirilmoqda
Bitiruvchilar bandligini ta’minlash yo‘lida keng qamrovli ishlar amalga oshirilmoqda
O‘zbekiston Respublikasi Prezidentining PQ-61-sonli qarori ijrosini ta’minlash maqsadida Buxoro davlat universiteti Bandlik va karyera bo‘limi tomonidan qator muhim tashabbuslar amalga oshirildi.
Ushbu tashabbuslar doirasida “Mehnat yarmarkasi”, “Sayyor qabul” hamda “Ochiq eshiklar kuni” kabi tadbirlar o‘tkazilib, bitiruvchi yoshlar uchun amaliy yordam ko‘rsatildi.
Tadbirlar jarayonida talabalar mehnat bozorida o‘z o‘rinlarini topish, kelajak karyerasini belgilash va to‘g‘ridan-to‘g‘ri ish beruvchilar bilan muloqot qilish imkoniyatiga ega bo‘ldilar. Shuningdek, ularga rezyume tayyorlash, suhbatlarga tayyorgarlik va kasbiy ko‘nikmalarni rivojlantirish bo‘yicha tushunchalar berildi.
“Ochiq eshiklar kuni” va “Sayyor qabul” tadbirlarida bitiruvchilar nafaqat o‘z savollariga javob olishdi, balki o‘zlari uchun yangi yo‘nalishlar ochib, amaliy yordam olish imkoniyatiga ega bo‘lishdi.
Bandlik va karyera bo‘limining asosiy maqsadi — bitiruvchilarni munosib ish o‘rinlari bilan ta’minlash, ularni raqobatbardosh kadr sifatida shakllantirish hamda yoshlarning kelajak hayotiga mustahkam zamin yaratishdir.
