Bo'sh ish o'rinlari mehnat yarmarkasi bo'lib o'tdi
Joriy yilning 7-avgust kuni Romitan tuman "Bog'iturkon" madaniyat va istirohat bog'ida Buxoro viloyati Kambag‘allikni qisqartirish va bandlik boshqarmasi tomonidan ish bandligi bo'lmagan aholi va bitiruvchi-yoshlarni ish bilan ta'minlash maqsadida Mehnat yarmarkasi tashkil etildi. Unda viloyat miqyosida faoliyat ko‘rsatib kelayotgan korxona va tashkilotlar, xususiy sektorlar, oliy ta’lim muassasalari o‘zlarida mavjud bo‘sh ish o‘rinlari bilan ishtirok etishdi.
Mazkur yarmarkadan maqsad tayyor mutaxassislarga ehtiyoji bor barcha korxona tashkilotlarni, shuningdek, tumanlardagi hokimliklar, aholi bandlikka ko‘maklashish markazi mas’ul xodimlari talabalar bilan bevosita suhbat o‘tkazish, ishga tanlab olish hamda shartnomalar rasmiylashtirishdan iborat.
Yarmarkada ishtirok eta olmagan talabalar qo'shimcha ma'lumot uchun BuxDU Marketing va karyera bo'limiga murojaat qilishlari yoki https://bkm-buxdu.uz/ saytida tanishib chiqishlari mumkin.
