"British American Tobacco Uzbekistan" AJ Qo'shma korxonasi bilan uchrashuv
🔰 "British American Tobacco Uzbekistan" AJ Qo'shma korxonasi hamda BuxDU Marketing va karyera bo'limi Bandlik markazi hamkorligida bitiruvchilar uchun hozirgi kunda talab yuqori bo'lgan ishlab chiqarish, IT, marketing, SM-targetolog kabi sohalar, karyeraviy imkoniyatlarga oid uchrashuv bo'lib o'tdi
Agarda Siz "British American Tobacco Uzbekistan" AJ Qo'shma korxonasining "UzBAT Got Talent" nomli tadbirida ishtirok etgan, biroq suhbat uchun anketa to'ldirishga ulgurmagan bo'lsangiz Marketing va karyera bo'limiga murojaat qilishingiz mumkin.
Buxoro davlat universitetida katta faollar zalida Marketing va karyera bo’limi Bandlik markazi hamda "British American Tobacco Uzbekistan" AJ Qo'shma korxonasi bilan hamkorlikda bitiruvchi yoshlar o‘rtasida "UzBAT Got Talent" nomli tadbiri tashkil etildi. Tadbirni ochib berishda BuxDU o'quv ishlari bo'yicha prorektori R.G'. Jumayev rivojlanib borayotgan davlatimizda yoshlar bandligiga katta e’tibor qaratilayotganligini e’tirof qilib o‘tdilar.
Tadbir davomida ishtirok etuvchilar korxona nomidan tashrif buyurgan mutaxassislar, xususan, kompaniyaning xodimlar bilan ishlash bo‘yicha yetakchi menejeri Билялова Алие tomonidan ishlab chiqaruvchilar sifati va samaradorligini belgilab beruvchi “TOP EMPLOYERS” Instituti natijalariga ko‘ra 2019-yildan beri yetakchilik qilib kelayotgan "British American Tobacco Uzbekistan" AJ Qo'shma korxonasi faoliyati va tarixi, xalqaro munosabatlardagi o‘rni haqida batafsil ma’lumot berib o‘tdi.
1902-yildan buyon o’z faoliyatini olib borayotgan ushbu kompaniya bugungi kunda 200dan ortiq mamalakatlarda o’z mahsulotlarini eksport qiladi, shundan 50dan ortiq mamalakat iqtisodiy bozori yetakchilaridan hisoblanadi. O‘zbekiston iqtisodiyot bozorida 29 yillik tajribaga ega. “Dow Jones” indeksida ketma-ket 17 yil davomida o‘z barqarorligini saqlab kelmoqda va hozirgi vaqtda London fond birjasining “TOP-5”ligidan o‘rin olgan.
Navbatda kompaniyaning xodimlar bo‘yicha menejeri Диана Мухтарулина kompaniya tarkibi, kelgusida o‘z karyeraviy faoliyatini dunyo reytinglarida yuqori o‘rinlarda turuvchi kompaniyada davom ettirishni xohlovchilar uchun yaratilgan va yaratilayotgan imkoniyatlar, shart-sharoitlar bilan tanishtirdi.
Iqtisodiyot, moliya, marketing, ishlab chiqarish, targeting sohalari hamda HR o‘z qobiliyatlarini yaqqol namoyon eta oladigan yoshlarni ushbu kompaniyada ajoyib imkoniyalar, yuqori ish haqi, qisqa muddatlarda karyeraviy o‘sish, Londonda 2 haftalik stajirovka hamda xalqaro miqyosdagi munosabatlarni yuritishda 3 oygacha bo‘lgan xizmat safarlari kutayotganligi ta’kidlab o‘tildi.
Ushbu qulay imkoniyatlarda ishlash istagida bo’lgan yoshlardan faqatgina xalqaro darajadagi til bilishlari (rus, ingliz tillari), kuchli yetakchilik xususiyatlari hamda mobillik ya’ni kompaniya tomonidan belgilangan hudud (filial)da faoliyat olib borishlari talab qilinadi. Ishga qabul qilishda saralash bosqichlari tushuntirib o‘tildi.
Tadbir davomida mas’ul xodimlar tomonidan ishtirokchilarni qiziqtirgan savollarga to‘liq javob berildi. Tadbir so‘ngida taklif etilayotgan vakant ish o‘rinlariga qiziqish bildirgan yoshlar bilan kompaniyaning xodimlar bilan ishlash bo‘yicha yetakchi menejeri Билялова Алие tomonidan qisqa muddatli “face to face” suhbat amalga oshirildi va esdalik sovg‘alari berildi.
