Bugun 10-sentyabr, Slovakiya tadbirkorlari Buxoro shahar Kasbiy ko'nikmalar markazida Buxorodagi oliygohlar bitiruvchi talabalari va fuqarolari o'rtasida uchrashuv va "Mehnat Yarmarkasi" tadbiri bo'lib o'tdi.
Bugun 10-sentyabr, Slovakiya tadbirkorlari Buxoro shahar Kasbiy ko'nikmalar markazida Buxorodagi oliygohlar bitiruvchi talabalari va fuqarolari o'rtasida uchrashuv va "Mehnat Yarmarkasi" tadbiri bo'lib o'tdi.
Buxoro shahar Kasbiy ko'nikmalar markazida xalqaro hamkorlik doirasida muhim uchrashuv bo‘lib o‘tdi. Slovakiyaning yirik korxonalarida faoliyat yuritayotgan tadbirkor rahbarlar mamlakatimizga tashrif buyurib, Buxoro oliygohlarining, xususan Buxoro davlat universiteti bitiruvchilariga yangi imkoniyatlar taqdim etishdi.
Uchrashuv davomida Slovakiyadagi bir qator yirik korxonalarda mavjud bo‘sh ish o‘rinlari bitiruvchilarga taqdim qilindi. Jumladan:
Muzqaymoq ishlab chiqarish korxonasi
Mehmonxona xo‘jaligi
Qurilish korxonasi
Transport xizmatlari korxonasi
Mazkur uchrashuvda Slovakiya korxonalari vakillari bitiruvchilar bilan bevosita suhbat olib borib, ularning kasbiy tayyorgarligi, bilim va ko‘nikmalarini o‘rgangan holda o'zining mos ish o'rinlarini taklif qilishmoqda. Bu esa yoshlarimiz uchun xorijda o‘z bilimlarini amaliyotda qo‘llash, malakasini oshirish va xalqaro tajribaga ega bo‘lish uchun keng imkoniyatlar eshigini ochadi.
Shu bilan birga, Buxoro davlat universiteti Bandlik va karyera bo‘limi mazkur jarayonlarda faol ishtirok etib, Slovakiya korxonalari bilan hamkorlikni mustahkamlash hamda kelgusida yanada yirik tashabbuslarni amalga oshirishni maqsad qilmoqda.
Mazkur hamkorlik bitiruvchi yoshlarning kelajagi uchun yangi ufqlarni ochib, xalqaro mehnat bozoriga chiqishlarida muhim qadamlardan biri bo‘lib xizmat qiladi.
