
BuxDU BITIRUVCHILARI ISH BILAN TA'MINLANMOQDA
BuxDU BITIRUVCHILARI ISH BILAN TA'MINLANMOQDA
Buxoro shahridagi 45-maktab hududida o‘tayotgan "Sayyor qabul" hamda “Mehnat yarmarkasi”da Buxoro viloyati maktabgacha va maktab ta’limi boshqarmasi boshlig’i Hamza Elliyev, Buxoro davlat universiteti rektori Obidjon Xamidov boshchiligidagi jamoa, jumladan, Bandlik markazi, universitet kafedra mudirlari, dekanlar, bo‘lim va departament xodimlari faol ishtirok etmoqda. Ular tomonidan bitiruvchilar va ish izlovchi yoshlar bilan to‘g‘ridan-to‘g‘ri muloqotlar olib borilmoqda.
Tadbir doirasida ishtirokchilarga quyidagi imkoniyatlar yaratilgan:
Ta’lim tizimidagi mavjud bo‘sh ish o‘rinlari haqida bevosita va aniq ma’lumot olish; Maktabgacha, umumta’lim va maktabdan tashqari ta’lim muassasalari vakillari bilan yuzma-yuz suhbatlashish; Joyning o‘zida suhbatdan o‘tib, ishga qabul qilinish imkoniyatiga ega bo‘lish; Ish beruvchilar va mutaxassislar bilan professional maslahatlar olish.
Hurmatli yoshlar! Bu kabi tadbirlar sizga nafaqat ish topish, balki kelajakdagi kasbiy yo‘lingizni belgilab olish uchun ham katta platforma bo‘lib xizmat qiladi. Ushbu imkoniyatni boy bermang!