BuxDU jamoasi “Biznes marafon”da faol ishtirok etmoqda
BuxDU jamoasi “Biznes marafon”da faol ishtirok etmoqda
Buxoro shahridagi Somoniylar bog‘ida “Tashabbuslar marafoni” doirasida tashkil etilgan “Biznes marafon” loyihasi o‘z ishini boshladi. Yoshlar tadbirkorligini rivojlantirish jamg‘armasi tashabbusi bilan o‘tkazilayotgan mazkur tadbirda Buxoro davlat universiteti rektori Obidjon Xamidov boshchiligidagi BuxDU jamoasi, bitiruvchi talabalar, bakalavriat va magistratura bosqichi talabalari faol ishtirok etmoqda.
Tadbir davomida yoshlar o‘zlarining innovatsion biznes g‘oyalari va startap loyihalarini ekspertlar hamda investorlar e’tiboriga havola qilmoqda. Marafon ishtirokchilariga tadbirkorlik faoliyatini rivojlantirish, investitsiyalarni jalb etish hamda mavjud imkoniyatlardan samarali foydalanish bo‘yicha amaliy tavsiyalar berilmoqda.
Mazkur loyiha BuxDU talaba-yoshlariga o‘z tashabbuslarini namoyish etish, tajribali tadbirkorlar va investorlar bilan muloqot qilish, yangi hamkorlik aloqalarini yo‘lga qo‘yish hamda biznes sohasidagi bilim va ko‘nikmalarini yanada mustahkamlash imkoniyatini yaratmoqda.
BuxDU jamoasining faol ishtiroki universitetda tadbirkorlik madaniyatini rivojlantirish, yoshlarning biznes tashabbuslarini qo‘llab-quvvatlash va ularning innovatsion g‘oyalarini hayotga tatbiq etishga xizmat qilmoqda.
