BuxDU jamoasi va bitiruvchi talabalar mehnat yarmarkasida ishtirok etdi
BuxDU jamoasi va bitiruvchi talabalar mehnat yarmarkasida ishtirok etdi
Buxoro shahridagi Somoniylar istirohat bog‘ida fuqarolar bandligini ta’minlash, munosib va doimiy ish o‘rinlariga yo‘naltirish maqsadida mehnat yarmarkasi tashkil etildi.
Buxoro viloyati Kambag‘allikni qisqartirish boshqarmasi tomonidan o‘tkazilgan yarmarkada Buxoro davlat universiteti rahbariyati, professor-o‘qituvchilar, Bandlik va karyera bo‘limi mas’ullari hamda bitiruvchi bosqich talabalari faol ishtirok etdi.
Yarmarka davomida BuxDU bitiruvchi talabalari hududdagi korxona va tashkilotlarda mavjud bo‘sh ish o‘rinlari, ish beruvchilarning talablari hamda mehnat bozoridagi imkoniyatlar bilan yaqindan tanishdilar. Shuningdek, ish beruvchi tashkilotlar vakillari bilan bevosita muloqotlar olib borilib, mutaxassisliklar bo‘yicha mavjud vakant o‘rinlar yuzasidan ma’lumotlar olindi.
Universitet vakillarining mehnat yarmarkasidagi ishtiroki bitiruvchi talabalarni mehnat bozoriga tayyorlash, ularning bandligiga ko‘maklashish, ish beruvchilar bilan to‘g‘ridan-to‘g‘ri aloqalarni mustahkamlash hamda ta’lim va mehnat bozori o‘rtasidagi integratsiyani kuchaytirishga xizmat qildi.
BuxDUda bitiruvchilar bandligini ta’minlash va ularning o‘z mutaxassisligi bo‘yicha munosib ish topishiga ko‘maklashish borasidagi ishlar izchil davom ettirilmoqda.
