BuxDUda bitiruvchilar bandligi bo'yicha uchrashuv o'tkazildi.
BuxDUda bitiruvchilar bandligi bo'yicha uchrashuv o'tkazildi
Buxoro davlat universiteti Bandlik va karyera bo'limi tashabbusi bilan Yoshlar masalalari va ma'naviy-ma'rifiy ishlar bo'yicha birinchi prorektor Akmal Nazarov boshchiligida Fizika-matematika va axborot texnologiyalari fakulteti bitiruvchi talabalari hamda professor-o'qituvchilar ishtirokida ochiq muloqot tashkil etildi.
Mazkur uchrashuv davlatimiz rahbari Shavkat Mirziyoyev tomonidan yoshlar bandligini ta'minlash borasida belgilangan ustuvor vazifalar ijrosini ta'minlash, ayniqsa bitiruvchilarni ish bilan ta'minlash jarayonlarini yanada takomillashtirish maqsadida o'tkazildi.
Tadbirda "O'zmilliybank" AJ Buxoro viloyat bosh boshqarmasi boshqaruvchisi Obid Shodiyev ishtirok etib, bank tomonidan amalga oshirilayotgan "Kelajakka qadam" loyihasi doirasida yoshlar uchun yaratilayotgan imkoniyatlar, imtiyozli kreditlar va moliyaviy qo'llab-quvvatlash mexanizmlari haqida batafsil ma'lumot berdi.
Uchrashuv davomida asosiy e'tibor:
bitiruvchi talabalarni mutaxassisligi bo'yicha ishga joylashtirish;
ularning bandligini individual yondashuv asosida ta'minlash;
amaliyot jarayonlarini qo'llab-quvvatlash va moliyalashtirish;
yoshlar uchun mavjud ish o'rinlari va imkoniyatlar bilan tanishtirishga qaratildi.
Tadbir davomida bitiruvchilarning bandligini ta'minlash, ularni mehnat bozoriga samarali integratsiya qilish hamda real ish o'rinlariga yo'naltirish masalalari keng muhokama qilindi.
Ayniqsa, Bandlik va karyera bo'limi boshlig'i S.K.Hamidov tomonidan har bir bitiruvchi talaba bilan alohida suhbatlar o'tkazilib, ularning kelgusidagi kasbiy rejalari, qiziqishlari hamda ishga joylashish imkoniyatlari yuzasidan aniq yo'nalishlar belgilab berildi.
Uchrashuv samimiy va ochiq muloqot ruhida davom etib, talabalar o'zlarini qiziqtirgan savollarga batafsil javob oldilar hamda kelajak faoliyatlari uchun muhim tavsiyalarga ega bo'ldilar.
