BuxDUda “Tadbirkor ayollar klubi” rahbari ishtirokida seminar-trening bo‘lib o‘tdi.
BuxDUda “Tadbirkor ayollar klubi” rahbari ishtirokida seminar-trening bo‘lib o‘tdi
Bugun, 2025-yil 29-oktabr kuni Buxoro davlat universitetida Oliy Majlis Senati huzuridagi “Tadbirkor ayollar klubi” respublika rahbari, O‘zbekiston “Tadbirkorlar va ishbilarmon ayollar” birlashmasi boshqaruv raisi, “Zamin Madad Tayyorlov Savdo” MCHJ rahbari va ta’sischisi Sodikova Mamlakat Umedovna ishtirokida seminar-trening bo‘lib o‘tdi.
Tadbirni BuxDU Xotin-qizlar maslahat kengashi raisi L. Xaydarova ochib berdi. U o‘z so‘zida ayollar faolligi, tadbirkorlik tashabbuslarini qo‘llab-quvvatlash va yoshlarning bu boradagi ishtirokini kengaytirish masalalariga to‘xtalib o‘tdi.
Seminar-trening davomida Mamlakat Umedovna tadbirkorlikning zamonaviy yo‘nalishlari, biznes g‘oyalarni amalga oshirish bosqichlari, shuningdek, ayollar uchun mavjud imkoniyatlar haqida batafsil ma’lumot berdi.
Tadbirda viloyatdagi oliy ta’lim muassasalari talaba-yoshlari ishtirok etishdi. Ular uchun bu uchrashuv nafaqat yangi bilim va tajriba manbai, balki ilhom va motivatsiya baxsh etuvchi muhim voqea bo‘ldi.
