Buxoro davlat universiteti Bandlik va karyera bo'limi hamda Yoshlar ishlari ishlari agentligi hamkorligida tashkil etilgan "KARYERA MAKTABI_BUXDU" klubi...
Buxoro davlat universiteti Bandlik va karyera bo'limi hamda Yoshlar ishlari ishlari agentligi hamkorligida tashkil etilgan "KARYERA MAKTABI_BUXDU" klubining navbatdagi oflayn darsi bo'lib o'tdi!
Mashg'ulot davomida talabalar bilan intervyu savollari, ularga to'g'ri va samarali javob berish bo'yicha STAR metodikasi asosida amaliy treninglar o'tkazildi. Shuningdek, muloqot va tezkor fikrlash ko'nikmalarini mustahkamlashga qaratilgan interaktiv o'yinlar tashkil etildi.
Ushbu mashg'ulotlar orqali bitiruvchi talabalar uchun "Biznes g'oyadan tayyor loyihagacha" mavzusida g'oyalar almashildi, shuningdek talabalar nafaqat intervyu topshirish bo'yicha amaliy ko'nikmalarga ega bo'lishdi, balki:
— jamoada samarali ishlash;
— o'z fikrini ravon ifoda eta olish;
— vaziyatdan chiqishning moslashuvchan yo'llarini topish;
— liderlik va tashabbuskorlik qobiliyatlarini mustahkamlash imkoniyatiga ega bo'ldilar.
Karyera maktabi mashg'ulotlari talabalarning bo'lajak kasbiy yo'nalishida o'ziga bo'lgan ishonchini oshirish, mehnat bozorida raqobatbardosh bo'lishlari uchun zarur bilim va ko'nikmalarni shakllantirishga xizmat qilmoqda.
Biz bilan birga bo'ling — yangi imkoniyatlar sari dadil qadam tashlang!
