Buxoro davlat universiteti Bandlik va karyera bo'limi hamda Yoshlar ittifoqi boshlang'ich tashkiloti tashabbusi bilan universitet talabalari uchun "Shamshirgaron Effekt"...
Buxoro davlat universiteti Bandlik va karyera bo'limi hamda Yoshlar ittifoqi boshlang'ich tashkiloti tashabbusi bilan universitet talabalari uchun "Shamshirgaron Effekt" korxonasi rahbariyati bilan uchrashuv tashkil etildi.
Uchrashuvda Bandlik va karyera bo'limi mutaxassislari "Kelajakka qadam" markazi xodimlari, Yoshlar ittifoqi yetakchilari va volontyorlari, shuningdek korxona mas'ullari ishtirok etib, talabalarga korxonaning asosiy faoliyati, ishlab chiqarish yo'nalishlari, mehnat tartibi, mavjud bo'sh ish o'rinlari hamda talabalar uchun yaratilgan maxsus imkoniyatlar haqida batafsil ma'lumot berishdi.
Tadbir davomida talabalarga ishlab chiqarish jarayonlari, ish muhiti va o'qish bilan ishlashni birgalikda olib borish mexanizmlari tushuntirib berildi. Talabalar korxona vakillari bilan yuzma-yuz muloqot qilib, o'zlarini qiziqtirgan savollarga javob olishdi.
Tadbirda Yoshlar ittifoqi boshlang'ich tashkiloti yetakchisi, liderlari va volontyorlari ham faol qatnashib, tashabbuskorlik va faollik namunalarini ko'rsatdi.
Uchrashuvning asosiy maqsadi — talabalarning real ishlab chiqarish jarayonlari bilan yaqindan tanishishi, bandlik imkoniyatlarini kengaytirish va ularning amaliy ko'nikmalarini oshirishdir.
Bandlik va karyera bo'limi yoshlarning kasbiy yo'nalishini mustahkamlash, ularni amaliy tajribaga ega bo'lishi uchun yanada keng imkoniyatlar yaratish yo'lida tadbirlar va mehnat yarmarkalarini tashkillashtirishda davom etadi.
