Buxoro davlat universiteti Bandlik va karyera bo'limi tashabbusi bilan "Kelajakka qadam" markazi xodimlari Tarix va yuridik fakulteti...
Buxoro davlat universiteti Bandlik va karyera bo'limi tashabbusi bilan "Kelajakka qadam" markazi xodimlari Tarix va yuridik fakulteti bitiruvchi talabalari bilan navbatdagi targ'ibot uchrashuvini tashkil etdi.
Tadbir davomida O'zbekiston Respublikasi Prezidentining PQ-61-son hamda PQ-328-son (PQ-61-son qaroriga o'zgartirish va qo'shimchalar kiritish to'g'risidagi) qarorlari — bitiruvchilar bandligini ta'minlash mexanizmlari, bitiruvchilarga kredit olish jarayoni, talab qilinadigan hujjatlar va amaliy tartib bosqichma-bosqich tushuntirib berildi hamda "Biznes g'oyadan tayyor loyihagacha" mavzusi bo'yicha seminar-trening tashkil etildi.
Uchrashuv davomida qaror asosidagi imkoniyatlar, kreditlarni olish tartibi va shartlari bo'yicha muhim ma'lumotlar taqdim etildi.
Talabalarga mazkur jarayonda "Kelajakka qadam" markazi xodimlari tomonidan to'liq amaliy ko'mak ko'rsatilishi ta'kidlandi.
Shuningdek, tadbir davomida Bandlik va karyera bo'limi tomonidan BuxDU talabalari uchun ingliz tili kurslari yo'lga qo'yilgani ham ma'lum qilindi.
Yakunda talabalar o'zlarini qiziqtirgan savollarga javob oldilar.
"Kelajakka qadam" markazi xodimlariga murojaat uchun:
Bandlik va karyera bo'limi: +998652212749
A.Hayitov (O'zmilliybank AJ) xodimi: +998914402261
