Buxoro davlat universiteti Bandlik va karyera bo'limi, Yoshlar ittifoqi boshlang'ich tashkiloti hamda "ZN LOTOS TEXTILE" MChJ rahbari Sharipova Zebiniso hamkorligida yuqori bosqich...
Buxoro davlat universiteti Bandlik va karyera bo'limi, Yoshlar ittifoqi boshlang'ich tashkiloti hamda "ZN LOTOS TEXTILE" MChJ rahbari Sharipova Zebiniso hamkorligida yuqori bosqich talabalari uchun seminar-trening tashkil etildi.
Tadbir davomida O'zbekiston Respublikasi Prezidentining PQ-61-son (https://www.lex.uz/uz/docs/-7386917) hamda PQ-328-son (https://lex.uz/uz/docs/-7808442) (PQ-61-son qaroriga o'zgartirish va qo'shimchalar kiritish to'g'risidagi) qarorlari - bandligini ta'minlash mexanizmlari, imtiyozli kredit olish tartibi, zarur hujjatlar va bosqichma-bosqich rasmiylashtirish jarayonlari haqida batafsil tushuntirishlar berildi.
Shuningdek, "ZN LOTOS TEXTILE" MChJ rahbari Sharipova Zebiniso tomonidan korxona faoliyati, mavjud ish o‘rinlari va yosh mutaxassislar uchun yaratilgan imkoniyatlar tanishtirildi. Uchrashuv doirasida "Yangi biznes g'oyalar yaratish" mavzusida seminar-trening o'tkazilib, talabalarga amaliy tavsiyalar berildi.
Qarorlar asosida yaratilayotgan imkoniyatlar, kredit shartlari va ularni olish tartibi yuzasidan muhim ma’lumotlar taqdim etildi.
"Kelajakka qadam" markazi xodimlari tomonidan bitiruvchilarga hujjatlarni rasmiylashtirish va loyihalarni shakllantirishda to‘liq amaliy ko‘mak ko'rsatilishi ta'kidlandi.
Bundan tashqari, O'zbekiston Respublikasi Vazirlar Mahkamasining "Oliy ta'lim tashkilotlari bitiruvchilarini ish bilan ta’minlashda buyurtmachilar ishtirokini yanada kengaytirish chora-tadbirlari to'g'risida"gi qarori (https://lex.uz/ru/docs/-7982830) mazmun-mohiyati bo'yicha ham tushuntirishlar berildi.
"Kelajakka qadam" markazi xodimlariga murojaat uchun:
Bandlik va karyera bo'limi: +998652212749
A.Hayitov (O'zmilliybank AJ) xodimi: +998914402261
Tadbir yakunida bitiruvchilar o'zlarini qiziqtirgan savollarga batafsil javob olib, kelajakdagi kasbiy faoliyatlari bo'yicha muhim tavsiyalar bilan tanishdilar.
