Buxoro davlat universiteti Iqtisodiyot va turizm fakultetida bitiruvchi talabalar uchun “Karyera kuni – 2026” mehnat yarmarkasi tashkil etildi.
Buxoro davlat universiteti Iqtisodiyot va turizm fakultetida bitiruvchi talabalar uchun “Karyera kuni – 2026” mehnat yarmarkasi tashkil etildi.
Mazkur tadbir O‘zbekiston Respublikasi Prezidentining yoshlar bandligini ta’minlash, ularning tashabbuslarini qo‘llab-quvvatlash hamda bitiruvchi yoshlarni munosib ish bilan ta’minlash borasidagi topshiriqlari ijrosi doirasida o‘tkazildi.
Yarmarkada 32 ta ish beruvchi tashkilot vakillari ishtirok etib, 300 dan ortiq bo‘sh ish o‘rinlari va vakansiyalar bitiruvchilarga taqdim etildi. Tadbirda fakultetning 230 nafar bitiruvchi talabalari faol qatnashib, ish beruvchilar bilan bevosita muloqot olib borish imkoniyatiga ega bo‘ldi.
Tadbir universitetning Bandlik va karyera bo‘limi hamda “Kelajakka qadam” markazi hamkorligida tashkil etilib, unda davlat va nodavlat tashkilotlari, korxona va muassasalar o‘zlarining mavjud vakant ish o‘rinlari bilan ishtirok etdi.
“Karyera kuni – 2026” yakunlariga ko‘ra:
10 ta o‘zaro hamkorlik shartnomasi;
15 ta amaliyot shartnomasi;
35 nafar bitiruvchini ishga joylashtirish bo‘yicha kelishuvlarga erishildi.
Tadbir davomida bitiruvchi yoshlarning kasbiy salohiyatini yuzaga chiqarish, ularni mehnat bozoriga mos yo‘naltirish hamda ish beruvchilar bilan samarali hamkorlik aloqalarini mustahkamlash masalalariga alohida e’tibor qaratildi.
Mazkur mehnat yarmarkasi yoshlar bandligini ta’minlash, ularni kelajak kasbiy faoliyatiga tayyorlash va amaliy tajribaga yo‘naltirishda muhim platforma bo‘lib xizmat qildi.
PAYSHANBA - YOSHLAR KUNI
