Buxoro davlat universiteti Marketing va talabalar amaliyoti bo‘limi Buxoro shahridagi “Shofirkon Textile” МЧЖ ga qarashli “Ekvatorial Chodak” tikuv fabrikasida
Joriy yilning 28-sentabr kuni Buxoro davlat universiteti Marketing va talabalar amaliyoti bo‘limi xodimlari Buxoro shahridagi “Shofirkon Textile” МЧЖ ga qarashli “Ekvatorial Chodak” tikuv fabrikasiga tashrif buyurishdi. Tashrifdan ko‘zlangan asosiy maqsad mavjud bo‘sh ish o‘rinlari, yaratilgan shart-sharoitlar hamda ishlab chiqarish jarayonlarini o‘rganishdan iborat. O‘rganish natijasida ushbu jamiyatda 300 dan ortiq talaba-yoshlarni ish bilan band qila olish imkoni, nafaqat tikuvchilik yo‘nalishi balki o‘g‘il bolalar uchun ham marketing, buxgalteriya, chilangarlik, poyafzal ishlab chiqarish yo‘nalishlarida vakant o‘rinlari borligi aniqlandi. Jamiyat soat 13:00 dan kechki 21:00 gacha faoliyat yuritadi. Ishchilarning ishga qatnovi uchun avtobus yo‘lga qo‘yilgan bo‘lib, 2 mahal ovqat (tushlik, kechlik) bilan jamiyat hisobidan ta’minlangan.
