Buxoro davlat universiteti talabalarining amaliyotini Buxoro xalqaro aeroportida tashkil etish borasida samarali kelishuvga erishildi
Bugun, Buxoro davlat universiteti o’quv ishlari bo’yicha prorektori R.G’. Jumayev, Marketing va karyera bo’limi boshlig’i S.K. Hamidov, Akademik faoliyat va o`quv normativ ta`minot sektori mudiri S.S. Muxlisov va Malaka oshirish va amaliyot sektori bosh mutaxassisi A.Sh. Rashidovlar universitet hamda Buxoro xalqaro aeroporti bilan hamkorlikda talabalarining amaliyotini tashkil qilish yuzasidan uchrashuv o'tkazdi. Uchrashuvda "Buxoro xalqaro aeroporti" direktor o'rinbosari Nodir Samadov universitet xodimlariga aeroport faoliyati haqida umumiy ma’lumotlarni berib o’tdi. Uchrashuv yakunida #Buxoro_davlat_universiteti Gid hamrohligi va tarjimonlik faoliyati (tillar bo’yicha) va Turizm (faoliyat yo’nalishlari bo’yicha) ta’lim yo’nalishi 2-3 – bosqich talabalarining amaliyotlarini Buxoro xalqaro aeroportida tashkil etish yuzasidan ijobiy kelishuvga erishildi.