Buxoro shahar hokimi va buxorolik talaba-yoshlar uchrashuvi bo'lib o'tdi.
Buxoro davlat universitetida Buxoro shahri hokimi Qurbon Tursunov, Buxoro shahar prokurori Sobir Qurbonov, Buxoro shahri ichki ishlar boshqarmasi boshlig'i Rustam Yusupov, Buxoro shahri soliq inspeksiyasi boshlig'i Anvar G'ofurov, O'zMilliy bank boshlig'i Obidjon Shodiyev, universitet rektori Obidjon Xamidov boshchiligidagi rahbariyat, professor-o'qituvchilar, talaba-yoshlar hamda bitiruvchilar bilan "Rahbar va yoshlar uchrashuvi" tashkil etildi.
Tadbirni BuxDU rektori kirish so'zi bilan ochib berdi. U nutqi davomida sanoat, logistika, turizm markazi bo'lgan Buxoro shahrini yanada rivojlantirish va bitiruvchilarni ish bilan ta'minlash maqsadida uchrashuvlar tashkil etilayotganligini ta'kidladi.
Uchrashuvda bitiruvchilarning murojaatlari o'rganilib, mas'ullar tomonidan tegishli javoblar berildi. Shuningdek, Agronomiya va tuproqshunoslik kafedrasi mudiri biologiya fanlari bo'yicha falsafa doktori (PhD) Otabek Umarov tomonidan kafedraning xorijiy va mahalliy hamkorlari haqida ma'lumot berilib, fakultet bitiruvchilarini manzilli yo'naltirish bo'yicha fikr bildirdi.
