Buxoro shahrida o‘z karyerasini rejalashtirishiga ko‘maklashish hamda ishsiz yoshlar bandligini ta’minlash maqsadida manfaatdor idora va tashkilotlar ishtirokida "Kasbiy ko'nikmalar"...
Buxoro shahrida o‘z karyerasini rejalashtirishiga ko‘maklashish hamda ishsiz yoshlar bandligini ta’minlash maqsadida manfaatdor idora va tashkilotlar ishtirokida "Kasbiy ko'nikmalar" markazida joriy yilning 21-aprel kuni navbatdagi bo‘sh ish o‘rinlari yarmarkasi o‘tkazildi.
Tadbirda Buxoro shahar hokimi Qurbon Tursunov hamda hokimning tegishli o‘rinbosarlari ishtirok etib, fuqarolar va ish beruvchilar bilan bevosita muloqot qildi.
Mazkur yarmarkada shahrimizdagi 40 ta korxona va tashkilot o‘zining 5 066 ta bo‘sh ish o‘rinlari bilan qatnashdi. Buxoro davlat universitetining 170 nafar bitiruvchi talabalari ushbu tadbirda ishtirok etdi va 10 nafar bitiruvchi ishga joylashish uchun yo‘llanmalar berildi. Shuningdek, 110 nafar bitiruvchi-yoshlar o‘zlarini qiziqtirgan masalalar yuzasidan mehnat muhofazasi hamda mehnat qonunchiligi doirasida tegishli huquqiy maslahatlar berildi.
Bundan tashqari, har bir o‘z tadbirkorligini boshlashiga ko‘maklashish maqsadida Buxoro shahridagi 8 ta bank vakillari ham yarmarkada O‘zbekiston Respublikasi Prezidentining PQ-61-son hamda PQ-328-son qarorlarining mazmun-mohiyatiga to‘xtalib, imtiyozli kredit resurslari va maxsus moliyaviy paketlari bo‘yicha batafsil ma’lumotlar taqdim etdi.
