Buxoro tuman hokimi Jo‘rayev Xayrullo Qodirovich va bitiruvchilar uchrashuvi.
Uchrashuvda Buxoro tumanida istiqomat qiluvchi Buxoro davlat universiteti bitiruvchilarining 72 nafari ishtirok etishdi.
Tuman hokimi bilan uchrashuvda 9 nafar bitiruvchi ish bilan ta’minlandi.
Bir guruh “Xorijiy tillar” yoʻnalishi bitiruvchilari tumannig Madaniyat aholi punktida oʻquv markazi ochmoqchiligini, bino topilmayotganini aytib amaliy yordam berishni soʻradi. Tuman hokimi tomonidan 18-maktabning 4 ta xonasi bepul ajratib berildi;
Universitet va kafedralar bilan 2 ta hamkorlik yo‘lga qo‘yildi.
Buxoro davlat universiteti “Xorijiy tillar” fakulteti dekani tomonidan tumanda xorijiy tillarni oʻqitishga moʻljallangan markaz tashkil etilsa fakultet oʻqituvchilari bilan hamkorlikda faoliyati yoʻlga qoʻyilishini ma’lum qildi.
“Iqtisodiyot va turizm” fakulteti dekani Yavmutov Dilshod tomonidan tumanda gidlar tayyorlash maktabi va buxgalterlarni qayta tayyorlov maktabini ochishni taklif qildi. Agar ochilsa fakultet tomonidan faoliyati qoʻllab-quvvatlanishini bildirdi.
Tadbirda ishtirok etolmagan, davlat imtihonida boʻlgan yoshlar uchun tuman hokimligida 26-iyundan 1-iyulga qadar 4 kun davomida qabul yana davom ettirilishini ma’lum qildi.