Buxoro tuman hokimi va yoshlar uchrashuvi
Buxoro davlat pedagogika institutida Buxoro tumani hokimi Anvarjon Ochilov bilan viloyat oliy ta’lim muassasalarining Buxoro tumanida istiqomat qiladigan talaba yoshlarning bo‘sh ish o‘rinlari asosida ishga joylashtirish yuzasidan uchrashuvi bo‘lib o‘tdi. Ushbu uchrashuvda BuxDU Yoshlar masalalari va ma'naviy-ma'rifiy ishlar bo'yicha Birinchi prorektori A.Amonov hamda fakultet dekanlari, talaba yoshlar ishtirok etishdi.
Uchrashuvda so‘z olgan tuman hokimi bugun yurtimizda yoshlarning zamonaviy ilm-fan va yuqori texnologiyalarni mukammal egallashi uchun amalga oshirilayotgan islohotlar va yaratib berilayotgan imkoniyatlar xususida o‘z fikr-mulohazalarini bayon etdi. Viloyatimizda, qolaversa, Buxoro tumanida oliy ma’lumotli, bilimli, yuksak malakali mutaxassislar qancha ko‘p bo‘lsa, barcha sohalarda shuncha ko‘p rivojlanish hamda samaradorlikka erishilishi mumkinligini ta’kidlab o‘tdi.
Tadbirda so‘z olgan yoshlar tengdoshlarining ijtimoiy-siyosiy faolligini, intellektual salohiyatini oshirish, jamiyat taraqqiyotiga xizmat qiluvchi g‘oya va tashabbuslari bilan yurt ravnaqiga munosib xizmat qilish zarurligi xususida taklif, fikr va mulohazalar bildirdi.
Buxoro davlat universiteti Sport faoliyati va pedagogik taʼlim fakulteti talabasi Axmadova Azizabonu o’z savoli bilan murojaat qildi: “Boshlangʻich taʼlim yoʻnalishi boʻyicha oʻz hududimda joylashgan maktablardan boʻsh ish oʻrni mavjudligi bo’yicha malumot olmoqchi edim?”
Buxoro tumani hokimi Anvarjon Ochilov “Sizning murojaatingiz ko’rib chiqiladi va tez orada sizga mavjud ish o’rni bo’yicha aloqaga chiqishadi, raxmat”.
Uchrashuvda yoshlarning “Hokim va yoshlar” tadbirini muntazam o‘tkazishni yo‘lga qo‘yish haqidagi taklifi ma’qullandi. Tuman hokimi talabalarni qiziqtirgan barcha savollarga javob qaytardi. Uchrashuvda tashabbuskor va faol yoshlarga minnatdorlik bildirdi.
Uchrashuv so'ngida Buxoro davlat universiteti hamda Buxoro tumani hokimligi o'rtasida hamkorlik memorandumi imzolanib, talabalar amaliyot o‘tashi uchun shart-sharoitlarni yaratish, malakali professor-oʻqituvchilar tomonidan amaliyotlarning olib borilishi, korxona tomonidan amaliy, uslubiy yordam ko‘rsatish aloqalarini kuchaytirish yuzasidan kelishuvga erishildi.
