Buxoro tuman Istiqbol MFY 14-umumiy o'rta ta'lim maktabi navbatdagi mehnat yarmarkasi tashkil etildi.
Buxoro tumani hokimi ishtirok etgan mehnat yarmarkasi jarayonida 127 nafar yosh mutaxassislar umumta’lim maktablari va maktabgacha ta’lim tashkilotlarida o‘z ish o‘rniga ega bo‘ldi. Xabar berganimizdek bugun tuman maktabgacha va maktab ta’limi va kambag‘allikni qisqartirish va bandlikka ko‘maklashish bo‘limi hamkorligida "Istiqbol" MFY 14-maktabda o‘tkazilgan mehnat yarmarkasi davomida 127 nafar oliy ta’lim muassasalari bitiruvchilari o‘z mutaxassisliklari bo‘yicha ishga joylashish istagida murojaat qilishdi. Yarmarka jarayonida tumandagi 86 ta ta’lim muassasasi mavjud bo‘sh ish o‘rinlari bilan ishtirok etdi. Aytish joizki, murojaat bilan kelgan bitiruvchilarning barchasi mehnat yarmarkasi jarayonida o‘z ish o‘rniga ega bo‘ldi.
