"Iqtisodiyot" va "Mehmonxona xo'jaligini tashkil etish va boshqarish" yo'nalishida ta'lim olayotgan talabalar tijorat banklari faoliyati bilan tanishdilar
2023-yil 23-mart kuni “Marketing va menejment” kafedrasi dotsenti Tajiyeva Sayyora Uralovna tomonlaridan “Iqtisodiyot” fanidan “Bank tizimi” mavzusini o‘rganish doirasida talabalari uchun AT "Ozsanoatqurilishbank"da sayyor dars tashkil etildi.
Bank xodimlari tomonidan “Tijorat banklari tomonidan ko'rsatiladigan xizmatlar va operatsiyalar” mavzusida mahorat darsi tashkil etildi va o‘tkazildi.
SANOAT QURILISH BANK haqida batafsil ma’lumotlarga ega bo‘ldilar. “SANOAT QURILISH BANK” ATB 1922 yilda sanoat banki sifatida tashkil etilgan. 1991 yilda bank aksiyadorlik tijorat bankiga aylantirildi. 2009-yilda nomi “Oʻzbekiston sanoat-qurilish banki” ochiq aksiyadorlik tijorat banki (“Oʻzsanoatqurilishbank” AK)ga oʻzgartirildi. Bank tijorat tashkiloti bo'lib, uning asosiy maqsadi foyda olish va bank operatsiyalari bo'yicha qarorlar qabul qilishda mustaqildir. Bank universal bank bo‘lib, O‘zbekiston Respublikasi yagona bank tizimining bir qismidir.
talabalar jismoniy va yuridik shaxslarga ko‘rsatilayotgan asosiy bank xizmatlari bilan tanishdilar. Bank xodimlari bolalarni yaxshi o‘qishga, nazariy bilim olishga undadi.
