Iqtisodiyot va turizm fakultetida "Karyera 2024" mehnat yarmarkasi bo'lib o'tdi
Mehnat yarmarkasida viloyatimizda faoliyat ko‘rsatib kelayotgan sport turlariga ixtisoslashgan sport maktablari o‘zlarida mavjud vakant ish o‘rinlari bilan tashrif buyurdilar. Bitiruvchilar o‘zlarining mutaxassislik yo‘nalishlariga mos ish o‘rinlari bilan tanishib, tashkilotlar nomidan tashrif buyurgan mas’ul xodimlar bilan suhbatda bo‘lib, ish beruvchilar, jumladan, “Kamalak Shabnam Tekstil” MCHJ, “Lister Kamalak Tekstilen” MCHJ, ATB Xalq banki, Davlat soliq boshqarmasi, Qorovulbozor tuman maktab va maktabgacha ta’lim bo‘limi, “Ipoteka bank” Buxoro shahar filiali, “O‘zagrosug’urta” Buxoro viloyat filiali, “Bukhara constraction joint project” MCHJ, “Novo Agency” MCHJ, “Dur-Dona Sweets” OK, Qorovulbozor tuman Aholi bandligiga ko‘maklashish markazi, Buxoro viloyat maktab va maktabgacha ta’lim boshqarmasi, “Neomed Bio Plyus” MCHJ, “Equimed” MCHJ, “Tecom” MCHJ, Buxoro viloyat Agroxizmatlar markazi, “Trend Motors” MCHJ, “Kapital Travel” MCHJ, Malika Bukhara Hotel tashkilotlari tomonidan taqdim etilayotgan 100 dan ortiq vakant ish o‘rinlari, ish joyida taqdim etilayotgan qulay sharoitlar bilan tanishdilar.
Tadbir davomida bitiruvchilar diqqatini eng ko‘p qaratgan Viloyat davlat soliq boshqarmasi tomonidan taqdim etilgan 20ta asosiy bo‘sh ish o‘rni, 39ta zaxira ish o‘rinlari ko‘rib chiqildi. Tashkilot kadrlar bo‘limi boshlig’i O.Xodjayeva tomonidan qisqa ma’lumotlar ish beruvchi tomonidan xodimga qanday talablar qo‘yilishi, ularning majburiyatlari haqida tushuntirishlar berildi. Ishlash istagida bo‘lgan bitiruvchilar o‘z shaxsiy ma’lumotlarini vacancy.argos.uz portali orqali qoldirishlari mumkinligi, bu ma’lumotlar tashkilot ishchi guruhi tomonidan ko‘rib chiqilib arizachiga ma’lum qilinishi aytib o‘tildi.
Bundan tashqari o‘z biznesini rivojlantirish istagida bo‘lganlarga aksiyadorlik tijorat banklari tomonidan yosh tadbirkorlar uchun kam foizli kredit(subsidiya)lar taklifi berildi.
Tadbirga jalb qilingan korxona va tashkilotlar, birlashmalar, muassasalar va ishlab chiqarish korxonalari, shuningdek, kichik biznes va xususiy tadbirkorlik subektlari, qurilish korxonalari, tijorat banklari o‘zlarining faoliyat yo‘nalishlariga doir amaliy va ko‘rgazma namunalari bilan tanishtirilib, tadbirga kelgan ishsiz talabalarni shu joyni o‘zida ishga qabul qilish bo‘yicha tegishli hujjatlarni rasmiylashtirishga tayyor holda korxona rahbarlari va kadrlar bo‘limi boshliqlari, inspektorlar ham ishtirok etdi.
