"Ish marhamat" monomarkazida bo'sh ish o'rinlari mehnat yarmarkasi bo'lib o'tdi.
Buxoro shahar Kambag‘allikni qisqartirish va bandlikka ko‘maklashish bo‘limi tomonidan tashkillashtirilgan yarmarkada 31 ta korxona va tashkilotlar o‘zining 875 ta bo‘sh ish o‘rinlari bilan qatnashdi. Ushbu yarmarkada 132 nafar ishsiz, shundan, 42 nafar yoshlar va 51 nafar ayollar ishtirok etdi.
Shu joyning o‘zida ishga qabul qilish bo‘yicha tegishli hujjatlarni rasmiylashtirishga tayyorlash maqsadida korxonalarning rahbarlari, kadrlar bo‘limi boshliqlari, inspektorlarning ham ishtiroki ta’minlandi.
Yarmarkada Buxoro davlat universiteti bitiruvchi talabalari ham ishtirok etishib, 32 nafar ishsiz talabalar va tashkilotlar o'rtasida ish bilan ta'minlashga shartnoma tuzishga erishildi.
