"ISHGA MARHAMAT" MONOMARKAZIDA BO'SH ISH O'RINLARI YARMARKASI TASHKIL ETILDI.
Oldin xabar berilganidek, bugun Buxoro shahrining "Ishga marhamat" monomarkazida Tashqi mehnat migratsiyasi hamda "NAIMIX" xususiy bandlik agentligi bilan hamkorlikda xorijiy davlatlarda ishlash istagida bo'lgan yoshlar (jumladan 30-50 yosh) uchun bo'sh ish o'rinlari Mehnat yarmarkasi tashkil etildi.
Yarmarka davomida tashrif buyurganlarga Yevropa davlatlari, xususan, Sloveniya, Latviya, Polsha, Slovakiya, Vengriya, Litva, bundan tashqari Rossiya, Janubiy Koreya va Arab davlatlarida turli ishlab chiqarish hamda xizmat ko'rsatish sohalardagi ish o'rinlari taqdim etildi. Ish beruvchilar tomonidan ko'rsatiladigan xizmatlar va ular tomonidan qo'yiladigan talablar ma'qul kelgan yoshlar bilan agentlik tomonidan kelishuvlar amalga oshirildi.
P.s.: BuxDUni oldingi yillarda tamomlab, shu kunga qadar ishsiz qolayotgan, o'z mehnat faoliyatini chet elda davom ettirishni xohlovchi bitiruvchilar Buxoro viloyat Kambag'allikni qisqartirish va bandlik bosh boshqarmasiga murojaat qilishlari mumkin.
