"JAYRON" EKOMARKAZIDA SAYYOR DARS TASHKIL ETILDI
Tabiiy fanlar fakulteti Ekologiya va atrof muhit muhofazasi yoʻnalishi 2-1 eko-20 va 2-2 eko-20 guruhi talabalari uchun “Gorbologiya va ekotoksikalogiya” fanidan “O’simlik va hayvonlarga antropogen ta’sir” mavzusida “Ekologiya va geografiya” kafedrasi katta o’qituvchisi Adizova Hamida tomonidan “Jayron” eko markazida sayyor dars tashkil etildi. Sayyor darsda “Jayron” ekomarkazi inspektori To’xtayev Zayniddin talabalarni markazning ish faoliyati, tuzilishi, va qachon tashkil etilgani bilan tanishtirib o’tdi. Tanishtiruv jarayonida qo’riqxona to’g’risida ma’lumot — Buxoro viloyatida Kogon shahridan janubidagi Momojurgoti platosi etagida joylashgan. Oʻrta Osiyoda noyob choʻl hayvon turlarini koʻpaytirish va reintroduksiyalashga ixtisoslashgan ilmiy markazi. Oʻzbekiston Respublikasi Tabiatni muhofaza qilish davlat qoʻmitasi tarkibiga kiradi. 1976-yilda tashkil etilgan. Maydoni 5145 ga. 1977-yildan pitomnikka 42 bosh jayran (qoraquyruq) keltirilib, ularni koʻpaytirish ishlari boshlandi (1987-yilda ularning soni 1200 taga yetdi va reja asosida qoʻshni va boshqa hududlarga va kuzda birqozon, oqqushlar, qizilgʻozlar va koʻp yirtqich qushlar uchraydi. Oʻsimliklardan shuvoqzorlar, saksavulzorlar, qandimzorlar bilan qoplangan qumloq, gilli va gipsli choʻl maydonlari mavjud. Markaz janubida sunʼiy koʻllar bor. Ular tuyoqli hayvonlarning suv ichish joyi boʻlib, juda koʻp suv qushlarini ham jalb qiladi. Markaz atrofi yirtqichlarning ichkariga oʻtishiga toʻsiq boʻladigan 2 m balandlikda simtoʻr bilan oʻralgan.
Ushbu uchrashuv yakunida talabalar oʻzlarining qiziqtirgan savollariga “Jayron” ekomarkazi rahbariyati va inspektori tomonidan javob olishdi. Shuningdek, Z.To’xtayev kelajakda Buxoro davlat universiteti Tabiiy fanlar fakulteti bilan doimiy hamkorlikni davom ettirishni, hamda amaliy darslarda mutaxassislar bilan shunday uchrashuvlarni ko’paytirish tarafdori ekanliklarini ta’kidlab o’tdi. Dars o'z maqsadiga erishdi.
