Jondor tumani hokimi va jondorlik yoshlar uchrashuvi bo'lib o'tdi.
Avval, ma'lumot berganimizdek, belgilangan grafik asosida Buxoro viloyatidagi tumanlar hokimlari universitetda bo'lib, tuman yoshlari bilan uchrashishmoqda. Bugun, 8-may kuni, Jondor tuman hokimi Jamshid Rajabovich Xudoyev universitet katta yig'ingohida jondorlik talaba yoshlar bilan uchrashdi.
Uchrashuv davomida so'zga chiqqan Jondor hokimi talaba-yoshlarga yaxshi o'qish hamda yaratilgan sharoitlardan unumli foydalanishlari lozimligini aytdi. Xususan, ajratilayotgan imtiyozli kredit, subsidiya, ssudalar haqida to'xtalib o'tdi. Shuningdek, tumandagi har bir soha mutaxassislari uchrashuvda ishtirok etib, o'z sohalari bo'yicha tumandagi holat haqida ma'lumot berishdi.
Uchrashuvda yig'ilganlar o'zlarini qiziqtirgan savollarga javob olishdi. Taklif va murojaatlar tinglanib, tegishli tartibda amaliy yordam berilishi belgilandi.
