2022/2023 o‘quv yilida Buxoro davlat universitetini jami 5 812 nafar talaba mavjud ta’lim yo‘nalishlari va mutaxassisliklari bo‘yicha bitiryapti. Univeritet bitiruvchilarini bandligiga ko‘maklshish va yoshlarni ish bilan ta’minlashga qaratilgan “Karyera kuni - 2023” mehnat yarmarkasini tashkil etish va oʻtkazish nazorat rejasiga asosan Buxoro viloyat Mehnat bosh boshqarmasi bilan hamkorlikda universitetda mavjud fakultetlar kesimida fevral va mart oylarida “Karyera kuni – 2023” mehnat yarmarkalari tashkil etildi.

            Belgilangan rejaga asosan 14-15-16-fevral kunlari “Jismoniy madaniyat” fakultetida "Karyera kuni-2023” mehnat yarmarkasi tashkil etildi. Unda 400 nafarga yaqin bitiruvchilar ishtirok etishdi. Mehnat yarmakasi davomida viloyatimizda mavjud 20 dan ortiq korxona va tashkilotlar vakant ish o‘rinlari bilan qatnashib, 54 nafar bitiruvchilar bilan mehnat shartnomalari tuzildi.

            22-fevral kuni mehnat yarmarkasi “Iqtisodiyot va turizm” fakultetida tashkil etildi. Tadbir davomida 250 nafar fakultet bitiruvchilari ishtirok etib, 50 dan ortiq korxona va tashkilotlar tomonidan taklif etilgan bo‘sh ish o‘rinlari bilan tanishib, 30 dan ortiq ishga joylashish shartnomalari tuzildi.

            25-fevral kuni “Tabiiy fanlar” fakultetida bitiruvchilar bandligiga ko‘maklshishga qaratilgan mehnat yarmarkasi tashkil etildi. Tadbir davomida 120 nafar fakultet bitiruvchilari ishtirok etib, 15 dan ortiq korxona va tashkilotlar tomonidan taklif etilgan bo‘sh ish o‘rinlari bilan tanishib, 20 nafar bitiruvchilar bilan ishga joylashish shartnomalari tuzildi.

            Mehnat yarmarkasi o‘tkazilish rejasiga asosan 27-fevral kuni “Xorijiy tillar” fakultetida “Karyera kuni-2023” mehnat yarmarkasi tashkil etildi. Mehnat yarmarkasida 450 nafarga yaqin bitiruvchilar ishtirok etishdi. Mehnat yarmarkasi davomida viloyatimizda mavjud 40 dan ortiq korxona va tashkilotlar vakant ish o‘rinlari bilan qatnashib, 30 nafar bitiruvchilar bilan mehnat shartnomalari imzolashdi.

            28-fevral kuni “Fizika-matematika” fakultetida bitiruvchilar bandligiga ko‘maklshishga qaratilgan mehnat yarmarkasi tashkil etildi. Tadbir davomida 219 nafar fakultet bitiruvchilari ishtirok etib, 18 ga yaqin korxona va tashkilotlar tomonidan taklif etilgan bo‘sh ish o‘rinlari bilan tanishib, 38 nafar bitiruvchilar bilan ishga joylashish shartnomalari tuzildi.

            Tadbir rejasiga ko‘ra 2-mart kuni “Pedagogik ta’lim” fakultetida "Karyera kuni-2023” mehnat yarmarkasi tashkil etildi. Mehnat yarmarkasida 450 nafarga yaqin bitiruvchilar ishtirok etishdi. Mehnat yarmakasi davomida viloyatimizda mavjud 30 dan ortiq korxona va tashkilotlar vakant ish o‘rinlari bilan qatnashib, 60 nafar bitiruvchilar bilan mehnat shartnomalari tuzildi.

            4-mart kungi yarmarka “Filologiya” fakultetida tashkil etildi. Tadbir davomida 400 nafar fakultet bitiruvchilari ishtirok etib, 30 dan ortiq korxona va tashkilotlar tomonidan taklif etilgan bo‘sh ish o‘rinlari bilan tanishishdi va 41 nafar yoshlar bilan ishga joylashish shartnomalari tuzildi.

            10-mart kuni “San’atshunoslik” fakultetida bitiruvchilar bandligiga ko‘maklshishmaqsadida tashkil etilgan mehnat yarmarkasi davomida 300 nafar fakultet bitiruvchilari ishtirok etib, 17 dan ortiq korxona va tashkilotlar tomonidan taklif etilgan bo‘sh ish o‘rinlari bilan tanishishdi. Tadbir yakunida 60 nafar bitiruvchilar bilan ishga joylashish shartnomalari tuzildi.

            14-mart kuni mehnat yarmarkasi “Agronomiya va biotexnologiya” fakultetida tashkil etildi. Tadbir davomida 200 nafar fakultet bitiruvchilari ishtirok etib, 10 dan ortiq korxona va tashkilotlar tomonidan taklif etilgan bo‘sh ish o‘rinlari bilan tanishdi. Tadbir yakuniga ko‘ra ish beruvchi va bitiruvchilar o‘rtasida 48 dan ortiq ishga joylashish shartnomalari tuzilgan.

            15-mart kuni “Axborot texnologiyalari” fakultetida tashkil etilgan bitiruvchilar bandligiga ko‘maklshishga qaratilgan Mehnat yarmarkasida 130 nafar fakultet bitiruvchilari ishtirok etishdi. Bunda 20 dan ortiq korxona va tashkilotlar tomonidan taklif etilgan bo‘sh ish o‘rinlari bilan tanishib, 27 nafar bitiruvchilar bilan ishga joylashish shartnomalari imzolandi.

            Universitetda tashkil etilgan “Karyera kuni – 2023” mehnat yarmakasi oyligi davomida 408 nafar bitiruvchilar bilan iqtisodiyotning turli tarmoqlar va sohalari kesimida ishga joylashish shartnomalari imzolanilishiga erishildi, bunda kelishuvga erishganlarning 148 nafari (36.3%) xalq ta’limi tizimida, 60 nafari (14.7%) maktabgacha ta’lim tizimida, 30 nafari (7.3%) iqtisodiyotning turli ishlab chiqarish sohalarida, 102 nafari (25%) xususiy sektorda, 48 nafari (11.8%) qishloq xo‘jaligi sohasida, 20 nafari (4.9%) madaniyat va sport sog‘lomlashtirish sohalari bo‘yicha taqsimlangan.