Kogon tuman hokimi Esanov Muhiddin Turdiyevich, Kogon shahar hokimi Davlatov Hayot Hasanovich va bitiruvchilar uchrashuvi.
Uchrashuvda Kogon tumani va shahridan Buxoro davlat universiteti bitiruvchilarining 52 nafari ishtirok etishdi.
Kogon tuman hokimi Esanov Muhiddin soʻzga chiqib, tumanda va Kogon shahrida maktab va maktabgacha ta’lim sohasida, tibbiyot sohasi, energetika va qurilish sohasi va sport sohalari kesimida vakant ish oʻrinlari mavjudligini bildirib, kimda qanday murojaat boʻlsa bildirishini aytdi va so‘zni talabalarga berdi. Bunda,
- “Arxivshunoslik” magistratura mutaxassisligi 2-bosqich bitiruvchisi oʻqishni tamomlagandan keyin tumanda ishlamoqchiligini, shu sababli oʻz yoʻnalishida ish topib berishlarini soʻradi. Tuman hokimining ijtimoiy masalalar boʻyicha oʻrinbosari shu yoʻnalishda tumanda boʻsh oʻrin borligini, qabul qilinishini ma’lum qildi;
- Buxoro davlat universitetining “Matematika” yoʻnalishi 3 nafar bitiruvchilari (“B.Naqshband” MFY, “Yangihayot” MFY va “Xoʻja Yakshaba” MFY) tumandagi maktablarga ishga qabul qilindi;
- “Agronomiya va biotexnologiya” fakulteti “Biologiya” va “Ekologiya va atrof muhit muhofazasi” yoʻnalishlari bitiruvchilari tuman Agrokompleksiga ishga qabul qilindi;
Buxoro davlat universiteti “Axborot texnologiyalari” fakulteti dekani Xamza Eshankulov tomonidan universitetda robotexnika, IT va konstruksiyali oʻyinchoqlar ishlab chiqarish yoʻlga qoʻyilganligini, agar tuman va shahar hokimligi tomonidan sharoit yaratilsa chekka hududlardagi iqtidorli yoshlarni topib, ularga ta’lim berishni va oʻqituvchilar malakasini oshirishga ham koʻkamlashishini bildirdi. Aynan shu taklifga tuman hokimi Muhiddin Esanov tomonidan qiziqish bildirilib, Robototexnika maktabini tashkil etish uchun 100 million so‘m mablagʻ tuman hokimligi tomonidan ajratilishini ma’lum qildi.
