Kogon tumani va Kogon shahrida “Sayyor qabul” hamda “Mehnat yarmarkasi” tadbirlari bo‘lib o‘tdi!
Kogon tumani va Kogon shahrida “Sayyor qabul” hamda “Mehnat yarmarkasi” tadbirlari bo‘lib o‘tdi!
Ushbu yirik tadbir Buxoro viloyati maktabgacha va maktab ta’limi boshqarmasi hamda hamkor tashkilotlar tashabbusi bilan tashkil etilgan bo‘lib, yoshlar, ayniqsa, ta’lim yo‘nalishida ish izlayotgan bitiruvchilar uchun katta imkoniyat bo‘lib o'tdi.
Kogon tumanidagi markaziy maydonda o‘tayotgan tadbirda Buxoro davlat universiteti Bandlik markazi, universitet kafedra mudirlari, dekanlar, bo‘lim va departament xodimlari faol ishtirok etmoqda. Ular tomonidan bitiruvchilar va ish izlovchi yoshlar bilan to‘g‘ridan-to‘g‘ri muloqotlar olib borildi.
Tadbir doirasida ishtirokchilarga quyidagi imkoniyatlar yaratilgan:
Ta’lim tizimidagi mavjud bo‘sh ish o‘rinlari haqida bevosita va aniq ma’lumot olish;
Maktabgacha, umumta’lim va maktabdan tashqari ta’lim muassasalari vakillari bilan yuzma-yuz suhbatlashish;
Joyning o‘zida suhbatdan o‘tib, ishga qabul qilinish imkoniyatiga ega bo‘lish;
Ish beruvchilar va mutaxassislar bilan professional maslahatlar olish.
Hurmatli yoshlar! Bu kabi tadbirlar sizga nafaqat ish topish, balki kelajakdagi kasbiy yo‘lingizni belgilab olish uchun ham katta platforma bo‘lib xizmat qiladi. Ushbu imkoniyatni boy bermang!
