MUVAFFAQIYATLI KASB EGALARI BILAN UCHRASHUV
2022 – yilning 3 – mart sanasida Fizika-matematika fakulteti Fizika ta’lim yo’nalishi bitiruvchilari bilan Buxoro Muhandislik Texnologiya instituti Fizika kafedrasi bilan hamkorlikda “Muvaffaqiyatli kasb egalari” mavzusida davra suhbati o’tkazildi. Davra suhbatidan ko’zlangan maqsad fizika fani yo’nalishida bugungi kunda olib borilayotgan tadqiqotlar, muammolar va yechimlar haqida fikr almashinishdir. Davra suhbatida Fizika-matematika fakulteti dekani H.O.Jo’rayev, Fizika-matematika fakulteti Yoshlar bilan ishlash bo’yicha dekan muovini A.N.Ubaydullayev, Fizika kafedrasi mudiri Sh.Sh.Fayziyev, Buxoro Muhandislik Texnologiya instituti Fizika kafedrasi dotsenti M.R.Jumayev va 4-kurs Fizika ta’lim yo’nalishi bitiruvchilari ishtirok etishdi.
Fizika-matematika fakulteti dekani H.O.Jo’rayev Buxoro Muhandislik Texnologiya instituti Fizika kafedrasi dotsenti M.R.Jumayevni talabalarga tanishtirb o’tdilar. M.R.Jumayev talabalar o’zlarining g’oyalarini loyihalarga aylantirish uchun yaratilgan imkoniyatlar haqida fikr bildirib o’tdilar. Har bir yangi g’oya katta-katta loyihalarni keltirib chiqarishi mumkinligi aytildi. Talabalarga Buxoro davlat universiteti Fizika-matematika fakulteti Fizika kafedrasidagi professor-o’qituvchilari bilan birgalikda Buxoro Muhandislik Texnologiya instituti Fizika kafedrasi professor-o’qituvchilari ham qo’llab quvvatlashi aytildi. Fizika matematika fakulteti dekani H.O.Jo’rayev tomonidan talabalarga yetuk mutaxassis bo’lishlari uchun olingan bilimlar, yaratilgan imkoniyatlar bilan bir qatorda ma’naviy-axloqiy jihatdan yetuk bo’lish kerakligi aytib o’tildi.
Fizika-matematika fakulteti Fizika kafedrasi mudiri Sh.Sh.Fayziyev tomonidan talabalarga bugungi kunda yosh tadqiqodchilarga yaratilayotgan keng imkoniyatlar haqida tushunchalar berildi.