“ODAMNING SOYASI”NI O’QIYMAN…
2022-yil 26-fevral sanasida Buxoro davlat universiteti Filologiya fakultetitda Yozuvchilar uyushmasi tomonindan kitob taqdimoti o’tkazildi.
Kitob insonni ma’naviyatli, salohiyatli va baxtli qiladigan ajoyib sovg’alardan biridir. Kelajagimiz bunyodkorlarining bilimli hamda keng fikrli bo’lishlarida esa kitobning o’rni beqiyosdir. O’sib-ulg’ayotgan yoshlarni kitob bilan oshno tarzda tarbiyalash dolzarb hamda ezgu maqsadlardan biridir.
Filologiya fakulteti tarkibida o’zining yangi faoliyatini boshlagan jurnalistika yo’nalishi talabalari uchun uyushma raisi Shodmon Sulaymon tomonidan “Odamning soyasi” nomli kitob taqdimoti bo'lib o'tdi.
Fakultetning yosh haqiqat kuychilari hamda fakultet rahbariyati uchun 80 ga yaqin kitoblar sovg’a qilindi. Taqdimot davomida kitob haqida ularga ma’lumot berildi. Shuningdek, Filologiya fakulteti Yoshlar bilan ishlash masalari bo’yicha dekan muovini To’xtamurod Rajabov tomonidan talabalar uchun kitob o’qish borasida kerakli tavsiyalar berildi. Berilgan ushbu betakror hamda qadrli sovg’adan barcha talabalar birdek mamnun bo’ldilar.
