⚡️BUXORO DAVLAT UNIVERSITETI HAMDA OLOT TUMAN HOKIMLIGI ÖRTASIDA IKKI TOMONLAMA HAMKORLIK MEMORANDUMI IMZOLANDI

        Buxoro davlat universitetining katta faollar zalida Marketing va karyera bölimi Bandlik markazi hamda Olot tuman hokimligi bilan hamkorlikda oliy ta'lim bitiruvçilarini iş bilan ta'minlaş, böş vaqtini mazmunli taşkil etiş maqsadida  Olot tumani hokimi Nargiza Ne'matova  viloyatda tahsil olayotgan olotlik talaba-yoşlar bilan oçiq muloqot taşkil etildi. Uçraşuvda hudud böyiça mas'ul idora vakillari hamda iş beruvçilar yoşlarimizning iş bilan bandligini ta’minlaş, biznesini qöllab-quvvatlaş maqsadida iştirok etişdi.

         Tadbirni oçib berişda BuxDU rektori O.X.Xamidov bugungi kunda yoşlar uçun yangi iş örinlarini oçiş, ularning halol mehnat qilib, daromad topişi maqsadida köplab istiqbolli işlar qilinayotganligi bot-bot takrorlanayotganligini ta’kidlagan holda keying sözni uçraşuv mehmoni Olot tuman hokimi Ne’matova Nargiza Isomiddinovnaga berdi.

        Nargiza Isomiddinovna özlarining mehnat faoliyatlari bilan talabalarni taniştirar ekanlar, porloq kelajak uçun yoşlarimiz öz ustlarida işlaşlari, iş haqi kam degan bahonalarni çetga surib, öz kasbining yetuk kadrlari bölişlari kerakligini, faqatgina yurtga nafi tegadigan yoşlar bölib yetişişlarini tilab qoldilar.

        Şu örinda yoşlarimiz diqqatiga Nargiza Isomiddinovna özlarining tibbiyotdagi ilk amaliyotlarini ta’riflab berdilar.

        Bugungi kunda turli sohalarda köplab yoşlakrimiz öz mehnat faoliyatlarini, tadbirkorliklarini allaqaçon yölga qöyib bölganlar va ular qöl ostida köplab işsiz aholini iş bilan ta’minlaganlar. Bundan taşqari, tadbirkorlik qilişni xohlovçilar uçun ham kreditlar, subsidiyalar berilmoqda.

        Şularni aytar ekanmiz e’tirof etiş joizki, hamma ham davlat taşkilotlarida faoliyat olib boriş bilan bir qatorda qöşimça daromad qilişni ham xohlaydi. Yurtboşimiz buni ham çorasiz qoldirmadilar, subsidiyalar yoki köp miqdordagi kreditlarda 50% garov asosida uzoq muddatga berilişini ta’minladilar.

        Hozirda barçamiz maişiy texnikalar, zamonaviy texnologiyalardan juda köp foydalanamiz. Şundan hammamizda It sohalari, texnologik işlab çiqariş sohalari yoki axborot texnologiyalariga ehtiyoj seziladi, talaba-yoşlarimiz esa bulardan unumli foydalanib, qobiliyatlarini işga solgan holda yoruğ kelajak sari olğa qadam bosişlari kerak.

Şunday motivatsion fikrlar bayonini yakular ekanlar uçraşuvga yiğilgan talabalarimiz qanday muammo va takliflar bilan taşrif buyurganliklari tinglandi.

"Sport faoliyati: kuraş" ta'lim yönalişi 3-bosqiç talabasi Noriyev Uluğbek: - Men öz yönalişimda tumanda işlamoqçiman, şunga kömak berişingizni sörayman.

Olot tumani hokimi Nargiza Ne'matova:  - Har juma va şanba kunlari kun böyi qabulim oçiq, kelib uçraşing, mos böş iş örni bölsa işga olamiz. Hozir IIB sohasida 5 ta vakansiyamiz, tuman sport maktablarida ham murabbiylarga ehtiyojimiz bor.

BuxDU "Agrobiznes va logistika" ta'lim yönalişi talabasi: - Biz kredit olib biror işni boşlasak, faoliyatimizni yölga qöysaku lekin uzoq davom ettirolmasak, bankrot bölib qolsak kim bizga yöl-yöriq körsatadi?

Nargiza Isomiddinovna: - Har bir tadbirkorlikni boşlayman degan yoşni biz özimiz öqitamiz, Savdo-sanoat palatasi, bank vakillari, tadbirkorlarni jalb qilib treninglar qilamiz. Har bir tadbirkorlik faoliyatini qöllab-quvvatlaş bizning vazifamiz.

"Iqtisodiyot va turizm" fakulteti talabasi: - Men özim tadbirkorman, 3 ta firmam bor, quyoş panellari örnatiş bilan şuğullanadi. Özim Kogon şaridanman lekin Olot tumanida ham foydali quyoş panellarini örnatiş böyiça loyohalar bölsa qatnaşmoqçiman. Tumanga ham foyda bölardi, mening işçilarim ham işlab oilasiga foyda olib kirardi.

Nargiza Isomiddinova: - Prezident farmoni bilan muqobil energiya manbalarini örnatiş böyiça davlat dasturi böyiça quyoş panellari bir qator örnatildi. Hozir ayni vaqtda dasturning bir qismi yakunlandi, agar yana işlar boşlansa albatta Siz bilan boğlanamiz, çunki bundan tumanga ham foyda, korxonaga ham foyda.

        BuxDPI "Çaqiriqqaça harbiy ta'lim" yönalişi talabasi Abdullayev Ilyos:

        - Biz 9 ta kursdoşmiz, öz yönalişimizda tumanda malakaviy amaliyot ötaş uçun taşkilotlarga borsak doim bizga örin yöq deb aytişadi. Şu sabab hozir işsiz qolmay deb tadbirkorlikni örganyapman. Bizga öz yönalişimizda iş örni yarata olasizmi?

Nargiza Ismoddinovna: - Tumanga şijoatli yoşlar kerak, mahallalarda yetkaçilar, hokim yordamçilari kerak. Şu uçun 9 ta kursdoşingiz bilan birgalikda boring, amaliyot bölsa amaliyotni, işlayman desa iş joyini topişga kömaklaşamiz.

BuxDTI 6-bosqiç bitiruvçisi Rayimqulov Şerzod: - Biz nasib qilsa 4-5 oylarda öqişni tamomlaymiz. Şunda söng kimga murojaat qilsak böladi işga joylaşiş uçun?

        Nargiza Isomiddinovna: - Biz sizlarni intizorlik bilan kutamiz, çunki tumanda iş örni bor, malakali şifokorlar yöq, hozirgi vraçlar majburlikdan 2-2.5 stavkada işlayapti. Borsangiz albatta iş topamiz, çunki biz sizga muhtojmiz.

Şu kabi bir qator savollarga javob berilganidan keyin uçraşuv söngida Buxoro davlat universiteti hamda Olot tumani hokimligi örtasida hamkorlik Memorandumi imzolandi. Unga köra malakali professor-öqituvçilar tomonidan amaliyotlarning olib borilişi, talabalar amaliyot ötaşi uçun şart-şaroitlarni yaratiş, hokimlik tomonidan amaliy, uslubiy yordam körsatiş aloqalarini kuçaytiriş yuzasidan kelişuvga erişildi.

        Uçraşuv mobaynida Olot tumani hokimi Nargiza Ne'matova xalq şoiri Muhammad Yusuf qalamiga mansub şe'rni ijro etdi.

        Rahbar serqirra bölişi kerak. Yaratuvçanlik, odillik, liderlik, faollik, ijodkorlik, mehnatsevarlik — kabi sifatlar barobarida san'at va madaniyatni sevişi, Vataniga çeksiz sadoqatli bölişi darkor.

Olot tumani hokimi Nargiza Ne'matova talaba-yoşlarga kompozitor A.Ramires ijodiga mansub “В мире животных” (Странники) kuyini fortepianoda ijro etib berdi.