O‘zmilliybank AJ “Kelajakka qadam” markazi rahbariyati hamda bitiruvchi talabalar bilan uchrashuv bo‘lib o‘tdi.
O‘zmilliybank AJ “Kelajakka qadam” markazi rahbariyati hamda bitiruvchi talabalar bilan uchrashuv bo‘lib o‘tdi
Tadbirni Oliy ta’lim, fan va innovatsiyalar vaziri o‘rinbosari O‘ktam Salomov ochib berdi. U o‘z nutqida O‘zbekiston Respublikasi Prezidentining PQ-61-son hamda PQ-328-son qarorlarining mazmun-mohiyatiga to‘xtalib, bitiruvchi yoshlarni ish bilan ta’minlash, ularning bandligini oshirish va kasbiy faoliyatga yo‘naltirish borasida amalga oshirilayotgan chora-tadbirlar haqida batafsil ma’lumot berdi.
Uchrashuv davomida Buxoro davlat universiteti rektori Obidjon Xamidov bitiruvchilarni ish bilan ta’minlash ustuvor vazifalardan biri ekanini ta’kidlab, bu yo‘nalishda universitetda tizimli ishlar olib borilayotganini qayd etdi. Shuningdek, mazkur tadbirda Buxorodagi davlat va nodavlat oliy ta’lim muassasalari vakillari studiya orqali ishtirok etdi.
Shuningdek, tadbirda “O‘zmilliybank” AJ Buxoro viloyat bosh boshqarmasi boshqaruvchisi Obid Shodiyev so‘zga chiqib, mazkur dastur mazmun-mohiyati, uning imkoniyatlari hamda bitiruvchi yoshlarni qo‘llab-quvvatlash borasidagi ahamiyati haqida batafsil ma’lumot berdi.
Tadbir doirasida O‘zmilliybank AJ “Kelajakka qadam” markazi mutaxassisi Shohzamon Jamshidovich tomonidan loyiha imkoniyatlari, bitiruvchilar uchun yaratilayotgan sharoitlar hamda mavjud yo‘nalishlar yuzasidan batafsil taqdimot o‘tkazildi.
“O‘zmilliybank” AJ tomonidan bitiruvchilarning biznes loyihalari qo‘llab-quvvatlandi va bir qator bitiruvchilarning biznes tashabbuslari moliyalashtirildi:
Buxoro davlat universiteti bitiruvchisi Baxriddinova Niginabonuga – 1,0 mlrd so‘m (oziq-ovqat mahsulotlari chakana savdosi);
Buxoro davlat universiteti bitiruvchisi Hamidova Nargizaga – 1,2 mlrd so‘m (CASE traktor xaridi);
Abu Ali ibn Sino nomidagi Buxoro davlat tibbiyot instituti bitiruvchisi Olimova Sabrinaga – 100 mln so‘m (xususiy bolalar bog‘chasi uchun jihozlar);
Buxoro davlat universiteti bitiruvchisi Xudoyberdiyev Akobirxo‘jaga – 1,8 mlrd so‘m (polipropilen qop ishlab chiqarish);
“To‘xtamurod Jumayev innovatsion maktabi” MChJga – 1,9 mlrd so‘m (o‘quv markazi tashkil etish).
