PESHKU TUMANI ABU ALI IBN SINO NOMIDAGI JAMOAT SALOMATLIGI TEXNIKUMIDA MEHNAT YARMARKASI O'TKAZILDI
Bugun, 13-avgust kuni Peshku tuman hokimligi, tuman 2-sektor rahbari va tuman Kambag‘allikni qisqartirish va bandlikka ko‘maklashish bo‘limi hamkorligida tuman aholisi, texnikum hamda oliy ta'lim bitiruvchilari uchun “Bo‘sh ish o‘rinlari mehnat yarmarkasi” tashkil etilib, mehnat yarmarkasida 42 ta korxona, tashkilot va muassasalar o‘zlaridagi 299 ta bo‘sh ish o‘rinlari bilan ishtirok etishdi.
Bo‘sh ish o‘rinlari mehnat yarmarkasiga o’z navbatida Buxoro davlat universitetining Peshku tumanida doimiy istiqomat qiluvchi bitiruvchilari ham jalb qilindi. Yarmarkada tumandagi kasb-hunar va umumiy o'rta ta'lim maktablari bitiruvchilari shuningdek ishsiz va band bo'lmagan fuqarolar ishtirok etib, shulardan 18 nafari doimiy hamda mavsumiy ishlarga joylashtirildi, 6 nafari kasb-hunarga o‘qishga jalb qilindi, 7 nafari esa tadbirkorlik faoliyatini boshlashi uchun kredit ajratildi.
Natijada jami 31 nafar ishsiz fuqarolarning bandligi taʼminlandi.
Shuningdek, mehnat yarmarkasi davomida yoshlar nafaqat bo'sh ish o'rinlari bilan tanishdilar, bundan tashqari, texnikum majlislar zalida 2-sektori rahbari, tuman prokurori Axadov Lazizbek Xamidjonovich bilan rahbar va yoshlar uchrashuvida ham ishtirok etishdi.
Uchrashuv davomida yoshlarni qiynayotgan masalalar, ularning muammolari tinglanib kun tartibida hal qilish uchun qabul qilindi.
