QORAKO'L TUMANI HOKIMI XURSHID TOHIROV VILOYAT OLIY TA’LIM MUASSASALARI BITIRUVCHI YOSHLARI BILAN UCHRASHUVI
Viloyatimizning muhim tumanlaridan biri, ilm-fan sohasida dong'ini dunyo miqyosiga olib chiqayotgan yoshlarni tarbiyalayotgan, ta’lim sohasida o'z uslubi, o'rniga ega Qorako'l tumanining viloyatdagi oliy ta'lim muassasalarida o'qiyotgan talaba-yoshlari uchun tuman hokimi uchrashuvi bo'lib o'tmoqda. Unda Qorako'l tumanida faoliyat yuritayotgan tashkilot va korxona vakillari bo'sh ish o'rinlari bilan tashrif buyurishgan.
— Bugungi qizg'in davrda yoshlar siyosatiga ayricha e’tibor berish davlatimiz siyosatining muhim jihatlaridan biridir. Tuman miqyosida sizning manfaatingizni ko'zlovchi muhim qarorlar qabul qilinmoqda. Oxirgi to'rt-besh yil Qorako'l hayotida muhim o'zgarishlar yuz berdi. Jadal sur`atlarda rivojlanayotgan tumanimizda siz kabi kadrlarga ehtiyoj yuqori. Oliy ma`lumotli kadrlarga tumanda ehtiyoj benihoya baland. Ayniqsa, matematika, fizika, rus tili, ingliz tili o'qituvchilariga hamisha ehtiyoj sezamiz. Biz o'z farzandlarimizni o`zimizda faoliyat olib borishi uchun barcha shart-sharoitni yaratib berishga tayyormiz, - deya o'z samimiy mulohazalarini o'rtoqlashdi tuman hokimi Xurshid Tohirov.
P/S: Buxoro davlat tibbiyot instituti Matbuot xizmatiga hamkorlik uchun tashakkur bildiramiz.
