🟢 Hokim va bitiruvchi talabalar uchrashuvi oʼtkazildi

     06.04.2024 sanasida Buxoro shahridagi Buxoro Muhandislik texnologiya institutining faollar zalida Romitan tuman hokimi Umedjon Barnoyev ishtirokida viloyat OTMlarining romitanlik bitiruvchi yoshlari bilan uchrashdi.

     Uchrashuvda tuman hokimi oʼrinbosarlari, tegishli tashkilot, korxona rahbarlari, tuman kambagʼallikni qisqartirish va bandlikka koʼmaklashish boʼlimi masʼullari hamda tijorat bank vakillari, 500 nafarga yaqin mazkur OTM bitiruvchi talabalari ishtirok etdi.

     Oliy taʼlim muassasining bitiruvchilari bilan uchrashuv avvalida tuman kambagʼallikni qisqartirish va bandlikka koʼmaklashish boʼlimi masʼullari tomonidan boʼsh ish oʼrinlari “Mehnat yarmarkasi” tashkil etildi. Bundan tashqari bitiruvchi yoshlarga Romitan tumanida amalga oshirilgan ishlar hamda tumanda yoshlarga yaratilayotgan keng imkoniyatlar toʼgʼrisida videorolik namoyishi boʼlib oʼtdi.

     Shundan soʼng, tuman hokimi Umedjon Barnoyev soʼzga chiqib, mamlakatimizda keyingi yillarda yoshlarni qoʼllab-quvvatlash, ularning oʼz iqtidor va salohiyatlarini yuzaga chiqarishlari uchun keng imkoniyatlar yaratib berilayotganligi, Davlatimiz rahbarining tashabbusi bilan oliy oʼquv yurtlari moddiy-texnika bazasini mustahkamlash, ilmiy salohiyatini yuksaltirish, taʼlim sifatini xalqaro andozalar darajasiga koʼtarish, iqtidorli yoshlarni qoʼllab-quvvatlash va ragʼbatlantirish masalalariga alohida eʼtibor qaratilayotganligi xususida atroflicha fikr-mulohazalar bildirdi. 

     Uchrashuvda Romitanlik bitiruvchi talabalarni ish bilan taʼminlash, bu boradagi mavjud imkoniyatlar, joriy oʼquv yilida viloyat OTMlarini tamomlayotgan 500 nafarga yaqin talabalarni mutaxassisligi boʼyicha ish bilan taʼminlash masalalari atroflicha muhokama etildi.

     Bu yil romitanlik 500 nafardan ortiq yoshlar oliy taʼlim muassasalarini tamomlashadi. Ularning 480 nafar viloyatdagi, 20 nafari yurtimizning boshqa hududlaridagi oliy taʼlim muassasalarini bitirishadi.

     Tuman rahbari bitiruvchi talabalar bilan suhbati davomida tuman hokimidan tortib, barcha sektor rahbarlari, mahalla faollari yoshlarning yaqin koʼmakchisi va maslahatchisi boʼlishini taʼkidladi. Uchrashuv davomida bitiruvchilar tomonidan bildirilgan taklif, tashabbus hamda murojaatlarni hal etish boʼyicha masʼullarga aniq muddatlar belgilanib, vazifalar yuklandi.

     Uchrashuv yakunida Romitan tumani hokimligi va viloyatimizdagi barcha oliygohlar oʼrtasida hamkorlik memorandumlari ham imzolandi.

    Uchrashuvda BuxDU bitiruvchilari faol ishtirok etishdi:

    Murojaat: Xorijiy tillar fakulteti ingliz tili yo’nalishi bitiruvchisi Boltayeva Shaxina IELTS 7.5 sertikikati borligini va o’z xususiy o’quv markaz ochish uchun joy berilishini so’rab murojjat qildi.

    Taklif: Romitan tuman hokimi tomonidan tuman markazida joylashgan xususiy maktabga ishlash yoki yoshlar marzasi binosidan joy taklif etdi

    Murojaat: Tabbiy fanlar fakulteti Tibbiy ta’lim yo’nalishi 4-kurs bitiruvchisi o’z yo’nalishiga mos ish so’rab murojaat qildi

    Taklif: Tumanning Sho’rcha MFY da ish bilan ta’minlash va’da berildi

    Murojaat: Boshlang’ich ta’lim yo’nalishi bitiruvchisi Bahodirova Charos o’z yo’nalishiga mos ish so’rab murojaat qildi

    Taklif: Tumanning Bog’cha MFY da joylashgan 7-maktabga  ishga joylashish taklifi berildi

    Murojaat: Boshlang’ich ta’lim yo’nalishi bitiruvchisi Zoirova Malohat tumanning Attaron MFY sidan o’z yo’nalishiga mos ish so’rab murojaat qildi

    Taklif: Tuman muttasadilari tomonidan shu hududga yaqinroqda joylashgan Tarnovutdagi 4-maktabga  ishga joylashish taklifi berildi

    Murojaat: Maktabgacha  ta’lim yo’nalishi bitiruvchisi Po’latova Begoyim o’z hududiga yaqin joydan  yo’nalishiga mos ish so’rab murojaat qildi

    Taklif: Tuman muttasaddilari tomonidan bitiruvchining o’zi istiqomat qilayotgan Bog’cha MFY  joylashgan  9-sonli bo’g’chaga  ishga joylashish taklifi berildi

    Murojaat: Maktabgacha  ta’lim yo’nalishi bitiruvchisi Halimova Mashhura Urganjiyon MFY da joylashgan 24-sonli bog’chaga  ishga kirish uchun murojaat qildi

    Taklif: Tuman muttasaddilari tomonidan bitiruvchining o’zi istiqomat qilayotgan  hududga yaqin joylashgan 120 o’rinli yangi qurilayotgan 30-sonli bog’chaga ishga joylashish taklifi berildi

    Murojaat: Maktabgacha  ta’lim yo’nalishi bitiruvchisi Qobilova Shaxina O’tabek MFY da joylashgan bog’chaga  ishga kirish uchun murojaat qildi

    Taklif: Tumanning O’tabek MFY da ish bilan ta’minlash va’da berildi