Romitan tumanida hokim va bitiruvchi talabalar uchrashuvi
Keyingi yillarda Yurtimizda oliy ta’lim muassasalarini tugatayotgan yigit-qizlar bandligini ta’minlashga alohida e’tibor qaratilmoqda.
Romitan tumani hokimi Umedjon Barnoev bilan viloyat Oliy ta’lim muassasalarining romitanlik talaba yoshlarning bo‘sh ish o‘rinlari asosida talabalarni ishga joylashtirish yuzasidan uchrashuvi tuman hokimligining katta majlislar zalida bo‘lib o‘tdi.
Unda sektor rahbarlari, tuman hokimi o‘rinbosarlari, tumanda faoliyat olib borayotgan tashkilot, muassasa va korxonalar rahbarlari ishtirok etishmoqda. Uchrashuvda yoshlarni qiynayotgan kamchilik va muammolar ham atroflicha muhokama qilindi.
Uchrashuv avvalida tuman rahbari ish beruvchilarning kadrlarni tanlash, joy-joyiga qo‘yish va samarali mehnat jarayonini tashkil etish sohasidagi huquqlarni amalga oshirilishini ta’minlash, mehnat sohasida ijtimoiy sheriklikni rag‘batlantirish va rivojlantirish, xodimlar va ish beruvchilarning huquqlari hamda qonuniy manfaatlari himoya qilinishini ta’minlash, mehnat bozorining samarali faoliyat ko‘rsatgichlari borasida fikr-mulohazalarini yuritdi.
Jarayon doirasida romitanlik talabalar o‘zlarining taklif hamda mulohazalarini bildirishdi. Xususan, ishga joylashtirish, tadbirkorlikni boshlashlariga ko‘maklashish, kredit ajratish kabi masalalarda murojaatlar qabul qilindi.
Murojaatlarning 11 tasi joyida hal etilgan bo‘lsa, qolgan murojaatlarni ijobiy hal etish bo‘yicha aniq muddatlar belgilanib, ijroga qaratildi.
Bu kabi tashkil etilayotgan uchrashuvlar yoshlarni muammolarini aniqlash hamda o‘z vaqtida yechim topishiga xizmat qilishi bilan ahamiyatlidir.
