Vobkent tuman hokimi Umarov Farhod Baqoyevich va bitiruvchilar uchrashuvi.
Uchrashuvda Vobkent tumanida istiqomat qiluvchi Buxoro davlat universiteti bitiruvchilarining 145 nafari ishtirok etishdi.
Tuman hokimi bilan uchrashuvda 11 nafar bitiruvchi ish bilan ta’minlandi.
“Boshlangʻich ta’lim” yoʻnalishi bitiruvchisi tumandagi MTTlar faoliyatidan qoniqmasligini bildirib oʻzi xususisy MTT ochmoqchiligini, shu maqsadda yer ajratishni soʻradi. Tuman hokimi yer ajratish auksion orqali boʻlishini, xususiy MTT qurish uchun katta sarmoya kerakligini bildirib, yashash xonadonida uy bogʻchasi ochishi mumkinligini, bunda koʻmaklashishini bildirdi;
“Filologiya va tillarni oʻqitish: ingliz tili” yoʻnalishi bitiruvchisi oʻzi ishlayotgan 13-maktabda ingliz tili kursi ochmoqchiligini aytib, jihozlashda yordam soʻradi. Tuman hokimi toʻliq jihozlab berilishini ma’lum qildi;
Buxoro davlat universiteti “Agronomiya va tuproqshunoslik” kafedrasi mudiri Umarov Otabek tomonidan tumandagi paxtachilik tuproq tarkibidagi muammolarni oʻrganishda amaliy hamkorlik oʻrnatish taklifi berildi:
“Biotexnologiya va oziq-ovqat xavfsizligi” kafedrasi mudiri Yuldoshev Laziz tomonidan tadqiqotlar natijasida yaratilgan hosildor xlorella oʻsimligining qoʻllanilishini Vobkent tumanida ham keng yoʻlga qoʻyishni taklif qildi.
“Oʻzbek tilshunosligi va jurnalistika” kafedrasi mudiri Rajabov Dilshod tomonidan tuman atoqli farzandi Sattor Yarashev nomini abadiylashtirish, tuman gazetalarining elektron variantini ham chop etishni taklif qildi.
Tadbirda ishtirok etolmagan, davlat imtihonida boʻlgan yoshlar uchun tuman hokimi qabuli doimiy tuman hokimligi binosida davom ettirilishi ham ma’lum qildi.
