Vobkent tuman hokimi va vobkentlik yoshlar uchrashuvi bo'lib o'tdi.
Bugun, 8-may kuni, Vobkent tuman hokimi Ostonov Akmal Anvarovich bilan vobkentlik talaba yoshlar uchrashuvi tashkil etildi. Uchrashuvda ish beruvchi tashkilot va korxonalar rahbarlari, universitet rahbariyati, professor-o'qituvchilari, pedagoglar hamda talaba-yoshlar ishtirok etishdi.
Uchrashuvni BuxDU Oʻquv ishlari boʻyicha prorektori R.Gʻ.Jumayev kirish so'zi bilan ochib berdi. U nutqi davomida hokim va yoshlar uchrashuvi belgilangan grafik asosida har bir tuman doirasida o'tkazilayotganini hamda mazkur uchrashuvlar tumanning iqtisodiy-ijtimoiy rivojlantirish uchun samarali usul ekanligini ta'kidladi.
Uchrashuv davomida Vobkent tuman hokimi so'zga chiqib, mamlakatimizdagi islohotlar hamda amalga oshirilayotgan ishlarga Vobkent tumani misolida to'xtalib o'tdi. Shuningdek, yoshlarga bugungi zamonaviy bilimlarni mukammal egallashda omad tiladi. Uchrashuvda yig'ilganlar bilan qizg'in savol-javoblar bo'lib o'tdi. Tuman hokimi boshchiligida yig'ilgan soha mutaxassislari har bir murojaatni batafsil o'rganib, tegishli ravishda yechim topildi.
Shuningdek, uchrashuv so'ngida eng yaxshi savol bergan yoshlar esdalik sovg'alari bilan taqdirlandi.
