Bugungi globallashuv davrida taraqqiyotning yuksak marralarini koʻzlab intilayotgan har bir davlat oldida yoshlarning qalbi va ongini yot gʻoyalardan asrashdek muhim vazifalar koʻndalang boʻlib turibdi.
Yoshlar — jamiyatning eng faol, ijodkor va innovatsion qatlamidir. Ularning tadbirkorlik faoliyatiga jalb etilishi, biznes gʻoyalarini amalga oshirishga yordam berilishi, faqat iqtisodiy oʻsishni taʻminlab qolmay, balki jamiyatda yangi ish oʻrinlarini yaratishga, yangi texnologiyalar va xizmatlarni joriy etishga, va madaniy oʻzgarishlarga sabab boʻladi. Bunday jarayonlarda tijorat banklari katta rol oʻynaydi.
